جامشورو : وزیر اعلیٰ سندھ کےمعاون خصوصی منصور شاہانی کا شاندار استقبال کیا گیا

نوری آباد،باغی ٹی وی (نامہ نگار اللہ وسایا پالاری) سندھ کے وزیر اعلیٰ سید مراد علی شاہ کا معاون خصوصی بننے پر جامشورو سپاف کے صدر منصور شاہانی کا زین کلوٹ کی قیادت میں شاندار استقبال کیا گیا۔

اس موقع پر منصور شاہانی نے میڈیا سے گفتگو کرتے ہوئے کہا کہ انہیں یہ اعزاز دینے پر وہ بلاول بھٹو زرداری، آصف علی زرداری، فریال تالپور اور وزیر اعلیٰ سندھ کے بے حد مشکور ہیں۔

منصور شاہانی نے مزید کہا کہ وہ سپاف کے پلیٹ فارم سے طلبہ کو بہتر تعلیم کی طرف لے جانے کی کوشش کریں گے۔ انہوں نے جامشورو میں پھیلتے ہوئے منشیات کے مسئلے پر تشویش کا اظہار کرتے ہوئے کہا کہ اس کی وجہ سے نوجوان نسل تباہ ہو رہی ہے۔

انہوں نے صوبائی وزیر شرجیل انعام میمن کی منشیات فروشوں کے خلاف جاری کارروائی کی تعریف کرتے ہوئے امید ظاہر کی کہ جلد ہی جامشورو سے بھی منشیات کا خاتمہ ہو جائے گا۔