fbpx

جنت مرزا کی عمر بٹ کے ساتھ ’ بات پکی‘ ہوگئی

پاکستان کی نمبر ون ٹک ٹاک سٹار اور اداکارہ جنت مرزا نے عمر بٹ کے ساتھ ’ بات پکی‘ ہونے کا اعتراف کر لیا-

باغی ٹی وی : گزشتہ ماہ خبریں گردش میں تھیں کہ ممکنہ طور پر جنت مرزا کی اپنے دوست اور ٹک ٹاک اسٹار عمر بٹ کے ساتھ بات ’پکی‘ ہو گئی ہے-

اس حوالے سے ان کے ایک کمنٹ کا اسکرین شاٹ بھی وائرل ہوا تھا جس میں جنت مرزا سے ایک صارف نے سوال کیا کہ کیا آپ کی بات پکی ہو گئی ہے؟

صارف کی جانب سے کیے جانے والے سوال کے جواب میں اداکارہ نے (بی پی) یعنی بات پکی لکھ کے جواب دیا۔ جس کے بعد سے خبریں گردش میں تھیں کہ دونوں کی منگنی ہو گئی ہے-

منگنی کے حوالے سے جنت مرزا کا بیان سامنے آگیا

تاہم اس حوالے سے جنت مرزا کا بیان بھی سامنے آ گیا تھا جنت مرزا نے فوٹو اینڈ ویڈیو شیئرنگ ایپ انسٹاگرام پر موجود اپنے آفیشل اکاؤنٹ پر خصوصی اسٹوری میں بتایا تھا کہ ’ہماری منگنی نہیں ہوئی ہے جب بھی منگنی یا بات پکّی ہوگی تو میں اپنے تمام مداحوں کو ضرور بتاؤں گی لیکن فی الحال ایسا کچھ نہیں ہے۔‘

بعد ازاں عُمر بٹ نے بھی انسٹاگرام پر خصوصی اسٹوری شیئر کی جس میں اُنہوں نے سوشل میڈیا پر زیرِ گردش اپنی اور جنت مرزا کی منگنی کی خبر کا اسکرین شاٹ شیئر کیا اور کہا کہ بھئی! یہ سب جھوٹ ہے، ہماری کوئی منگنی نہیں ہوئی ہے۔

جنت مرزا سے منگنی کی افواہوں پر عمر بٹ بھی بول پڑے

تاہم اب جنت مرزا نے ایک نجی خبر رساں ادارے کو انٹرویو دیتے ہوئے اس حوالے سے بتایا کہ مجھے کسی کی کال آئی اور اُنہوں نے مجھ سے میری منگنی کے حوالے سے پوچھا کہ جنت تمہاری منگنی ہوگئی؟ تو میں نے کہا نہیں، پھر اُنہوں نے مجھ سے کہا نیوز چینل پر تمہاری منگنی کی خبریں چل رہی ہیں۔

جنت مرزا نے کہا کہ میں نے جب نیوز چینل پر اپنی منگنی کی خبریں دیکھیں تو میں حیران رہ گئی، ساتھ ہی اُنہوں نے تصدیق کرتے ہوئے بتایا کہ ’الحمداللہ! عمر بٹ اور میری بات پکّی ہوگئی ہے لیکن ابھی منگنی کی کوئی باقاعدہ رسم نہیں ہوئی ہے۔

جنت مرزا نے کہا کہ جب اللہ تعالیٰ نے چاہا تو میری اور عمر بٹ کی منگنی بھی ہوجائے گی اور میں یہ خوشخبری سب کے ساتھ شیئر بھی کروں گی۔

واضح رہے کہ پاکستان کے شہر فیصل آباد سے تعلق رکھنے والی ٹک ٹاک اسٹار اور حال ہی میں ایکٹنگ ڈیبیو کرنے والی اداکارہ جنت مرزا کو ٹک ٹاک پر 15 ملین صارفین نے فالو کرلیا ہے اور وہ پاکستان کی پہلی ٹک ٹاکر بن گئی ہیں جو اتنے زیادہ مداح رکھتی ہیں۔

اس وقت انسٹاگرام پر جنت مرزا کے دو اعشاریہ ایک ملین یعنی 21 لاکھ فالوورز ہیں جبکہ انسٹاگرام پر انہوں نے ایک ہزار سے زائد پوسٹس کی ہوئی ہیں جن میں ان کی دلکش تصاویر اور ٹک ٹاک ویڈیوز شامل ہیں۔

جواب چھوڑیں

آپ کا ای میل ایڈریس شائع نہیں کیا جائے گا.