ٹک ٹاک اسٹار اور ماڈل اداکارہ جنت مرزا سے منگنی کی خبروں پر ٹک ٹاکرعُمر بٹ نے بھی خاموشی توڑ دی۔
باغی ٹی وی : عُمر بٹ نے سماجی رابطے کی ویب سائٹ انسٹاگرام پر موجود اپنے آفیشل اکاؤنٹ پر خصوصی اسٹوری شیئر کی جس میں اُنہوں نے سوشل میڈیا پر زیرِ گردش اپنی اور جنت مرزا کی منگنی کی خبر کا اسکرین شاٹ شیئر کیا۔
ٹک ٹاک اسٹار کی جانب سے شیئر کی گئی خبر میں لکھا تھا کہ عُمر بٹ اور جنت مرزا نے منگنی کرلی۔
عُمر بٹ نے ان تمام خبروں کی تردید کرتے ہوئے کہا کہ بھئی! یہ سب جھوٹ ہے، ہماری کوئی منگنی نہیں ہوئی ہے۔
اس سے قبل جنت مرزا بھی اپنی اور عُمر بٹ کی خبروں کی تردید کرچکی ہیں۔
جنت مرزا اور عُمر بٹ ایک دوسرے کی ویڈیوز میں دکھائی دیتے ہیں اور ان کی منگنی اور شادی کے حوالے سے خبریں اس سے قبل بھی کئی بار خبروں کی زینت بنے ہیں۔
واضح رہے کہ گزشتہ دنوں سے سوشل میڈیا پر یہ خبریں زیرِ گردش تھیں کہ جنت مرزا نے اپنی قریبی دوست اور ٹک ٹاک اسٹار عُمر بٹ کے ساتھ منگنی کرلی۔
منگنی کے حوالے سے جنت مرزا کا بیان سامنے آگیا
