سیول: جنوبی کوریا میں طوفانی بارشوں کے تیسرے دن لینڈ سلائیڈنگ اور ڈیم ٹوٹ جانے کے باعث 24 افراد ہلاک ہوگئے،امدادی کاموں کیلئے فوج کی مدد طلب کرلی گئی ہے، ہزاروں افراد کو محفوظ مقام پر منتقل ہونے کی ہدایات جاری کردی گئیں۔
باغی ٹی وی : جنوبی کورین میڈیا کے مطابق 3 روز سے جاری طوفانی بارشوں کے سبب مختلف حادثات میں 24 افراد ہلاک، 10 لاپتہ اور ہزاروں نقل مکانی کرچکے ہیں وزارت داخلہ کے مطابق صبح 11 بجے تک ملک بھر کے مختلف علاقوں سے 1,567 لوگوں کا انخلا کیا جاچکا تھا کیونکہ ہفتے کی صبح شمالی چنگ چیونگ صوبے میں پانی ڈیم سے اوپر ہو گیا تھا۔
انخلاء کے احکامات کے نیتجے میں مجموعی طور پر اب تک 7,000 سے زائد لوگوں کا انخلا کیا گیا ہےجنوبی کوریا کی موسمیاتی انتظامیہ نے پیشگوئی کی ہے کہ اتوار کو مزید شدید بارش ہونے کی وجہ سے نقل مکانی کرنے والوں کی تعداد میں اضافہ متوقع ہے، جنوبی کوریا کی سینٹرل کاؤنٹی گوئیزن میں شدید بارشوں کےسبب گوئیزن ڈیم اوور فلو ہوگیا جہاں 6 ہزار سے زائد افراد کو محفوظ مقام پر منتقل ہونے کی ہدایات کردی گئی ہیں۔
پاکستان اور سری لنکا کا پہلا ٹیسٹ میچ بارش سے متاثر ہونے کا خدشہ
کوریا ریل روڈ کارپوریشن نے کہا کہ وہ تمام ٹرینوں کے سفر کو معطل کررہی ہے جبکہ دیگر بُلیٹ ٹرینیں سست رفتاری کی وجہ سے تاخیر کا شکار ہو سکتی ہیں کیونکہ لینڈ سلائیڈنگ، ٹریک پر سیلاب اور پتھروں کے گرنے سے خطرہ لاحق ہے جبکہ اس سے قبل جمعہ کو شمالی چنگ چیونگ صوبے میں لینڈ سلائیڈنگ کے باعث ایک ٹرین پٹری سے اتر گئی جس میں ٹرین میں موجود انجینئر معمولی طور پر زخمی ہوا تاہم اور کوئی مسافر موجود نہیں تھا۔
