طیبہ گل ہراسانی کیس: سابق چیئرمین نیب جاوید اقبال آئندہ سماعت پر ذاتی حیثیت میں طلب

اسلام آباد: وفاقی ادارہ محتسب برائے انسداد ہراسانی کی چیئرپرسن فوزیہ وقار نے طیبہ گل ہراسانی کیس میں سابق چیئرمین نیب جاوید اقبال کو آئندہ سماعت پر ذاتی حیثیت میں طلب کرلیا۔

باغی ٹی وی: وفاقی ادارہ محتسب برائے انسداد ہراسانی میں سابق چیئرمین نیب جاوید اقبال و دیگر کے خلاف طیبہ گل شکایت کی سماعت ہوئی، وفاقی ادارہ محتسب برائے انسداد ہراسانی کی چیئرپرسن فوزیہ وقار نےکیس کی سماعت کی، وفاقی محتسب کا کہنا تھا کہ دائر کردہ درخواست استثنیٰ میں جاوید اقبال کو 10 روز آرام کا مشورہ دیا گیا ہے۔

طیبہ گل کا کہنا تھا کہ آئندہ تاریخ تب رکھیں جب جاوید اقبال صحتیاب ہوجائیں، میرے کیس کے مرکزی ملزم جاوید اقبال اور عمران ڈوگر کو ضرور طلب کریں،وکیل صفائی کا کہنا تھا کہ طیبہ گل کیجانب سےایک جیسا کیس فائل کرنےپر میرا اعتراض لکھ لیاجائے،چیئر پرسن فوزیہ وقار کا کہنا تھا کہ آئندہ سماعت پر لگائےگئے الزامات پر جواب ضرور جمع کرانا ہے،کیس کا فیصلہ وقت پرکرنا ہے۔

چودھری سرور کا این اے 127 میں بلاول بھٹو کی بھرپور حمایت کا …

وفاقی محتسب نے جاوید اقبال اور نیب تفتیشی افسر عمران ڈوگر سمیت 12 ملزمان کو آئندہ سماعت پر ذاتی حیثیت میں بلالیا، کیس کی سماعت 30 جنوری تک ملتوی کردی گئی۔

عدلیہ مخالف مہم، وفاقی حکومت نے جے آئی ٹی تشکیل دے دی

ہم کسی صورت الیکشن سے بائیکاٹ نہیں کریں گے،بیرسٹر گوہر