fbpx

جب سلمان خان طلاق کے بعد صدمے سے دوچارعامرخان کی مدد کے لئے آئے

بالی ووڈ اداکارعامر خان کی اپنی دوسری اہلیہ کرن راؤ کے ساتھ شادی ختم ہو گئی ہے جبکہ ان کی پہلی شادی 2002 میں ختم ہوئی تھی۔

باغی ٹی وی: بھارتی میڈیا کے مطابق پہلی شادی کے اختتام پذیر ہونے کے بعد کے دنوں کے بارے میں عامر خان نے انکشاف کیا تھا کہ سلمان خان نے انھیں اس صدمے سے نکالنے میں کافی مدد کی تھی۔

فلمساز کرن جوہر کے پروگرام ’کافی ود کرن‘ میں انٹرویو دیتے ہوئے عامر خان کا کہنا تھا کہ فلم ’انداز اپنا اپنا‘ کے بعد انھوں نے سلمان خان نے دوری اختیار کرلی تھی، انھیں ایسا لگتا تھا کہ سلمان ایک گھمنڈی انسان ہیں جبکہ سلمان خان کے ساتھ ان کا کام کرنا کا تجربہ بھی انتہائی خراب رہا۔

عامر خان کا کہنا تھا کہ سلمان خان ان کی زندگی میں اس وقت دوبارہ آئے جب ان کی پہلی طلاق ہوئی تھی، یہ وہ وقت تھا جب وہ صدمے سے دوچار تھے۔

کرن راؤ اور عامر خان میں طلاق کی وجہ فاطمہ ثنا شیخ ہیں سوشل میڈیا صارفین

انھوں نے بتایا کہ سلمان خان نے ان سے رابطہ کیا تھا اور پھر ملاقاتیں کی اس وقت ہم نے ساتھ مل کر شراب نوشی بھی کی اور تب سے ہمارا رابطہ مضبوط ہوا اور یہ دوستی کا رشتہ بڑھتا چلا گیا۔

واضح رہے کہ بالی ووڈ اسٹار عامر خان نے اہلیہ کرن راؤ سے 15 برس تک رشتۂ ازدواج میں منسلک رہنے کے بعد باضابطہ طور پر طلاق کا اعلان کردیا ہے۔

عامر خان اور کرن راؤ 28 دسمبر 2005 کو شادی کے بندھن میں بندھے تھے ان کا ایک بیٹا آزاد راؤ خان ہے جبکہ پہلی اہلیہ سے ان کے دو بچے ایک بیٹا اور ایک بیٹی ہیں-