آزاد جموں وکشمیر کی وادی نیلم میں جیپ گہری کھائی میں گرنے سے 2 خواتین سمیت ایک ہی خاندان کے 4 افراد جاں بحق جاں بحق ہوگئے-
ڈپٹی کمشنر وادی نیلم ندیم احمد جنجوعہ کے مطابق یہ حادثہ دوپہر تقریباً پونے ایک بجے سری گاؤں کے قریب پیش آیا، جب بدقسمت خاندان کندل شاہی سے اپنے آبائی گاؤں جاگران واپس جا رہا تھا، کندل شاہی مظفرآباد سے تقریباً 73 کلومیٹر شمال مشرق میں واقع ہے پانچ دروازوں والی پجیرو جیپ ایک تنگ موڑ پر تھی، جب ڈرائیور نے گاڑی کی پوزیشن درست کرنے کے لیے اسے کچھ پیچھے کیا، اسی دوران سڑک کا ایک حصہ بیٹھ گیا، جس کے باعث جیپ پہاڑی ڈھلوان سے لڑھک کر تقریباً 300 فٹ نیچے کھائی میں جاگری۔
پاکستان میں ایچ آئی وی سے اموات میں 400 فیصد اضافہ
ڈپٹی کمشنر کے مطابق حادثے میں 7 افراد پر مشتمل خاندان کے 4 افراد موقع پر ہی دم توڑ گئے جن میں 65 سالہ حاجی سعید عالم (ڈرائیور)، ان کی 50 سالہ اہلیہ اکبر جان، 55 سالہ برادر نسبتی محمد عرفان اور 60 سالہ سالی افسر جان موقع پر ہی دم توڑ گئے، جبکہ تین بچے شدید زخمی ہوئےزخمی بچوں کی شناخت 12 سالہ حسیب ولد شفیق، 10 سالہ ذیشان اسحٰق اور اس کی 14 سالہ بہن کوثر بی بی کے نام سے ہوئی، زخمیوں کو ابتدائی طور پر ڈسٹرکٹ ہیڈکوارٹر ہسپتال اٹھمقام منتقل کیا گیا، بعد ازاں خصوصی علاج کے لیے سی ایم ایچ مظفرآباد ریفر کر دیا گیا۔
پشاور ہائیکورٹ: ن لیگ کی جانب سے مخصوص نشستوں پر حلف نہ لینے کے کیس کا تفصیلی فیصلہ جاری
واضح رہے کہ آزاد جموں و کشمیر کے پہاڑی علاقوں کی تنگ اور خستہ حال رابطہ سڑکوں پر مہلک حادثے ایک معمول بنتے جا رہے ہیں، پرانی گاڑیاں، خطرناک چڑھائیاں، غیر محفوظ موڑ اور ڈرائیوروں کی غفلت اکثر ان المناک سانحات کا سبب بنتی ہیں۔
