جہلم میں جی ٹی روڈ پر 3 منزلہ ہوٹل میں سلنڈر پھٹنے سے عمارت گرگئی جس کے نتیجے میں 3 افراد جاں بحق ہوگئے۔
باغی ٹی وی: ریسکیو اہلکاروں کے مطابق ملبے تلے دبے افراد کو نکالنے کے لیے ریسکیو آپریشن جاری ہے، ملبے تلے 25 افراد کے دبے ہونےکا خدشہ ہے، اب تک 7 افراد کو ریسکیو کرکے اسپتال منتقل کردیا گیا ہے ملبے سے تین افرادکی لاشیں نکالی گئی ہیں، لاشوں اور زخمیوں کو اسپتال منتقل کردیا گیا ہے۔
قبل ازیں سرگودھا کے علاقہ بھلوال میں مسافر وین میں گیس سلنڈر پھٹ گیا ، پولیس اور ریسکیو ادارے موقع پر پہنچ گئی، گاڑی میں 21 مسافر سوار تھے جن میں سات کی موت ہو گئی جبکہ 14 زخمی ہو گئے، جنہیں طبی امداد کے لئے ہسپتال منتقل کر دیا گیا ، پولیس حکام کے مطابق گاڑی بھلوال سے کوٹ مومن جا رہی تھی کہ راستے میں سلنڈر دھماکا ہو گیا-
تصادم ،4 افراد شدید زخمی
نگران وزیراعلیٰ پنجاب محسن نقوی نے مسافر وین میں سلنڈر پھٹنے کے واقعے کا نوٹس لیتے ہوئے کمشنر اور آر پی او سرگودھا سے رپورٹ طلب کرلی ، نگران وزیراعلیٰ پنجاب محسن نقوی نے واقعے کی تحقیقات کا حکم دیتے ہوئے زخمیوں کوعلاج کی بہترین سہولتیں فراہم کرنے کی ہدایت کی-
سیالکوٹ : دریائے چناب میں ہیڈ مرالہ پر نچلے درجے کا سیلاب
علاوہ ازیں نقیب آباد فیروزپور روڈ قصور کے نزدیک پرائیویٹ ایمبولینس اور کار میں تصادم ہوا جس میں چار افراد شدید زخمی ہوئے ان کو ہسپتال منتقل کر دیا گیا ہے،ہسپتال ذرائع کا کہنا تھا کہ تین افراد کی حالت تشویش ناک ہے۔
