پشاور: ترجمان حکومت خیبرپختونخوا بیرسٹر سیف نے کہا ہے کہ جعلی حکومت انسانی حقوق کی سنگین خلاف ورزی کر رہی ہے۔
باغی ٹی وی:بیرسٹرسیف نے کہا کہ عمران خان اور بشریٰ بی بی سے خاندان اور وکلا سمیت کسی کو ملاقات کی اجازت نہیں جعلی حکومت کو خوف ہے کہ بانی پی ٹی آئی ورکرز کو احتجاج کی نئی حکمت عملی نہ دے دیں غاصب حکومت کو ڈر ہے کہ بانی پی ٹی آئی وکلاء کو آئین میں ناجائز ترمیم کے خلاف متحرک نہ کر دیں۔
ترجمان خیبرپختونخوا حکومت نے مزید کہا کہ چور ٹولہ بشریٰ بی بی سے بھی خوف زدہ ہے ان پر بھی پابندی عائد کررکھی ہے مینڈیٹ چور ہوش کے ناخن لیں اور انسانی حقوق کی خلاف ورزیوں سے باز آ جائیں صوبائی کابینہ کے اراکین کو غیرقانونی طور پر قید اور پی ٹی آئی ورکرز کو جیل میں رکھا گیا ہے جعلی حکومت نے جمہوریت کے چاروں ستونوں پر حملہ کردیا ہے شریف خاندان اپنی ناجائز حکومت بچانے کے لیے ہر حد تک گرچکا ہے ریاستی ظلم و بربریت کا حساب ضرور لیں گے۔
