خفیہ ادارے کا جعلی میجر گرفتار، لوٹی گئی رقم 77 ہزار روپے برآمد
پشاور تھانہ شاہ قبول پولیس نے شہر کے معروف طبی مرکز ڈبگری گارڈن میں سادہ لوح افراد کو لوٹنے والے جعلی میجر کو گرفتار کر لیا، گرفتار ملزم نواحی علاقے تہکال کا رہائشی ہے جس نے ہمسایہ ملک افغانستان سے علاج معالجہ کے لئے آنے والے شہری کو گاڑی میں بٹھا کر اسلحہ کی نوک پر لوٹا تھا، ملزم کا تعلق منظم جعل ساز گروہ سے ہے جس نے خود کو خفیہ ادارے کا جعلی میجر ظاہر کر کے افغان باشندے کو اپنی گاڑی میں بٹھایا تھا، ملزم نے ابتدائی تفتیش کے دوران متعدد وارداتوں کا اعتراف کرتے ہوئے اپنے دیگر ساتھیوں کی بھی نشاندھی کی ہے جن کی گرفتاری کے لئے ڈی ایس پی سٹی گوہر خان کی سربراہی میں خصوصی ٹیم تشکیل دے دی گئی ہے،
افغانستان سے علاج معالجہ کے لئے پشاور آنے والے افغان شہری گردیس خان ولد مومن خان نے تھانہ شاہ قبول پولیس کو رپورٹ کی تھی کہ خفیہ ادارے کے جعلی میجر نے اسلحہ کی نوک پر اس سے ہزاروں روپے چھین کر فرار ہوا جس کی رپورٹ پر مقدمہ درج کر کے تفتیش شروع کر دی گئی
ایس ایچ او تھانہ شاہ قبول قاضی نثار نے دوران تفتیش متعدد جرائم پیشہ اور مشکوک افراد کو شامل تفتیش کرنے سمیت طبی مرکز ڈبگری گارڈن میں موجود مشتبہ افراد کی بھی کڑی نگرانی شروع کی جس کے دوران علاج معالجہ کے لئے آنے والے سادہ لوح افراد کے سامنے خود کو جعلی میجر ظاہر کرنے اور جعل سازی کے دوران اسلحہ کی نوک پر ہزاروں روپے لوٹنے والے مرکزی ملزم کا سراغ لگا کر گزشتہ روز ملزم عبدالخلیل ولد جمعہ خان کو گرفتار کر لیا، ملزم کا تعلق منظم جعل ساز گروہ سے ہے جس نے ابتدائی تفتیش کے دوران خود کو خفیہ ادارے کا جعلی میجر ظاہر کر کے اسلحہ کی نوک پر افغان شہری کو گاڑی میں بٹھا کر اس سے ہزاروں روپے لوٹنے کا اعتراف کیا ہے جس کے قبضہ سے 77 ہزار روپے لوٹی گئی رقم بھی برآمد کر لی گئی ہے، ملزم نے دوران تفتیش اپنے دیگر ساتھیوں کی بھی نشاندھی کی ہے جن کی گرفتاری کے لئے ڈی ایس پی سٹی گوہر خان کی سربراہی میں خصوصی ٹیم تشکیل دے دی گئی ہے، گرفتار ملزم سے تفتیش کا سلسلہ جاری ہے
راول ڈیم کے کنارے کمرشل تعمیرات سے متعلق کیس ،اسلام آباد ہائیکورٹ کا بڑا حکم
سیاسی لیڈر شپ کو سیاسی استحکام کیلئے مذاکرات کرنے ہونگے،
تعمیراتی پراجیکٹس کے لیے اسلام آباد ہائیکورٹ کا بڑا حکم،وزیراعظم کے معاون خصوصی کو طلب کر لیا
سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم
