fbpx

قرآن پاک کی آیت کا حوالہ: جمائمہ نے اپنی غلطی تسلیم کر لی

حال ہی میں حال ہی میں وزیر اعظم عمران خان کی جانب سے دیئے گئے خواتین کے لباس اور ’ریپ‘ سے متعلق بیان پر ان کی سابق اہلیہ جمائما گولڈ اسمتھ نے ٹوئٹ کی تھی جس میں انہوں نے قرآن پاک کی آیت کا حوالہ دیا تھا-

باغی ٹی وی : سماجی رابطے کی ویب سائٹ ٹوئٹر پر جمائما گولڈ اسمتھ نے ایک ٹوئٹ میں برطانوی اخبار ’ڈیلی میل‘ کے مضمون کا لنک شیئر کیا، جس میں وزیر اعظم کے بیان پر بات کی گئی تھی۔


جمائما گولڈ اسمتھ نے مذکورہ ٹوئٹ میں قرآن پاک کی ایک آیت کا ترجمہ لکھا جس میں مردوں کو اپنی نگاہیں نیچی اور شرمگاہوں کی حفاظت کرنے کا حکم دیا گیا ہے۔ اور لکھا کہ قصور مرد حضرات کا ہی ہے۔

اپنی ٹوئٹ میں جمائمہ نے سورۃ النور کی آیت نمبر 30 کا ترجمہ لکھا تھا-

تاہم غلطی سے انہوں نے آیت کا نمبر31 لکھ دیا تھا جبکہ آیت نمبر 31 میں عورتوں کو اپنی زینت چھپانے اور پردہ کرنے کا حکم دیا گیا ہے-


بعد ازاں ایک صارف نے آیت نمبر 31 کے ترجمے کا سکرین شاٹ شئیر کرتے ہوئے جمائمہ کی غلطی کی نشاندہی کی-

صارف کی ٹوئٹ پر ردعمل دیتے ہوئے جمائمہ نے کھلے دل سے اپنی غلطی تسلیم کی اور لکھا کہ آپ صحیح ہیں سورۃ نمبر 24 اور آیت نمبر 30 ہے-

وزیر اعظم کے عریانیت اور ریپ کے بیان پر عوام کا ردعمل

جمائمہ کی وزیر اعظم عمران خان کے فحاشی اور عریانیت سے متعلق بیان پر ٹوئٹ

جواب چھوڑیں

آپ کا ای میل ایڈریس شائع نہیں کیا جائے گا.