معروف امریکی اینکرجیری اسپرنگر79 سال کی عمر میں انتقال کر گئے

معروف نیوز اینکر اور کامیڈین جیری اسپرنگر 79 سال کی عمر میں انتقال کر گئے جیری اسپرنگر لبلبے کے کینسر میں مبتلا تھے-

باغی ٹی وی: غیر ملکی خبر رساں ادارے کی رپورٹ کے مطابق ان کے اہل خانہ نے تصدیق کی کہ وہ مختصر علالت کے بعد جمعرات کو شکاگو کے علاقے میں واقع اپنے گھر پر سکون سے انتقال کر گئے۔

سویڈن کا تحقیقی راکٹ تکنیکی خرابی کےباعث ناروے میں جا گرا

خاندان کے تاحیات دوست اور ترجمان جین گیلون نے ایک بیان میں کہا کہ اسپرنگر کی لوگوں کے ساتھ جڑ جانے کی صلاحیت ہی ان کی کامیابیوں کی کلید تھی۔ ان کا انتقال ایک ناقابل تلافی نقصان ہے۔ لیکن ان کی عقل و دانش کی باتیں اور مزاح کی یادیں ہمیشہ باقی رہیں گی۔

اسپرنگر اپنے شوز میں خاندانوں کے اندر موجود جھگڑے اور ان کی وجوہات کو نمایاں کرتے تھے ان کا شو ہفتے میں تین دن پیش کیا جاتا تھا اسپرنگر لگ بھگ 27 سال تک یہ شوز پیش کرتے رہے جو ایک زمانے مقبولیت کے اسکیل پر سب سے اونچے درجوں پر جگہ پاتے تھے۔

دنیا کے تین صدیوں پرانے اخبار کی اشاعت بند کرنے کا اعلان

اسپرنگر اپنے شوز کو ایک ایسی تفریح کا نام دیتے تھے جس کا مقصد مسائل اور پریشانیوں سے فرار حاصل کرنا ہے۔ جبکہ ناقدین کا کہنا تھا کہ ان کے شوز امریکی سماجی اقدار کے زوال پذیر پہلو کو پیش کرتے۔

ان کا ایک وسیع سیاسی کیریئر بھی تھا، یہاں تک کہ وہ 1977 میں سنسناٹی کے میئر بنے – اور یہاں تک کہ ریاست اوہائیو کے گورنر کے لیے انتخاب لڑنا چاہتے تھے-

اپنے ٹویٹر پروفائل پر، اسپرنگر نے مذاق میں خود کو ‘ٹاک شو میزبان، تہذیب کے اختتام کا رنگ ماسٹر’ قرار دیا انہوں نے یہ بھی دعویٰ کیا کہ ان کے شو میں موجود لوگ رضاکارانہ طور پر ان کے لیے جو بھی تضحیک یا تذلیل کر رہے تھے اس کا نشانہ بنے۔

ترکیہ میں روس کی مدد سے تیار ہونے والےنیوکلیئر پلانٹ کا افتتاح