ایبٹ آباد کے معروف سیاحتی مقام ہرنو میں آج ایک دلخراش واقعہ پیش آیا، جہاں جھولے سے گرنے کے باعث ایک نوجوان لڑکی جان کی بازی ہار گئی۔ واقعے نے تفریح کے لیے آنے والے شہریوں میں افسوس اور خوف کی لہر دوڑا دی۔
پولیس کے مطابق، ابتدائی اطلاعات میں بتایا گیا ہے کہ لڑکی ایک جھولے پر سوار تھی جب اچانک توازن بگڑنے کے باعث وہ نیچے گر گئی۔ عینی شاہدین کے مطابق، جھولا کافی اونچائی پر جھول رہا تھا، جس سے گرنے کے نتیجے میں لڑکی کو شدید چوٹیں آئیں۔ریسکیو ذرائع کا کہنا ہے کہ حادثے کے فوری بعد موقع پر موجود لوگوں نے لڑکی کو ابتدائی طبی امداد فراہم کرنے کی کوشش کی اور اُسے شدید زخمی حالت میں ایبٹ آباد کے اسپتال منتقل کیا گیا، تاہم راستے میں ہی وہ زخموں کی تاب نہ لاتے ہوئے دم توڑ گئی۔پولیس نے بتایا کہ متوفی لڑکی کی شناخت تاحال نہیں ہوسکی اور اس سلسلے میں تحقیقات جاری ہیں۔ لاش کو اسپتال کے مردہ خانے منتقل کر دیا گیا ہے،
