کراچی میئرالیکشن،جماعت اسلامی کا جمعہ کو یوم سیاہ منانے کا اعلان

جماعت اسلامی نے چیف الیکشن کمشنر کے نام خط لکھ دیا ہے جس میں کہا گیا ہے کہ سندھ حکومت کے چاق و چوبند دستوں نے پی ٹی آئی کے 29 ارکان کو اغواء کرکے ووٹ ڈالنے سے روک دیا۔

جماعت اسلامی نے الیکشن کمیشن کو لکھے گئے خط میں کہا ہے کہ الیکشن کمیشن اس فراڈ عمل کو کالعدم قرار دے اور نیا شیڈول جاری کرے۔ الیکشن کمیشن پاکستان کا بنیادی مقصد صاف و شفاف الیکشن کروانا ہے۔الیکشن کمیشن انصاف و شفاف انتخابات کروانے میں مکمل طور پر ناکام ہوگیا ہے۔ ہم نے ہر موقع پر الیکشن کمیشن کو خطوط کے ذریعے سندھ حکومت کے غیر آئینی و غیر جمہوری عمل کے اقدامات سے آگاہ کرتے رہے۔ الیکشن کمیشن ہمیشہ کی طرح خاموش تماشائی بنا رہا۔ مئیر کے انتخاب کے موقع پر حال کے دروازے بند کردیے گئے اور پی ٹی آئی 29 ممبران کو اس عمل سے اپنی ایلیٹ فورس کے ذریعے گھروں سے جبری اغواء کرکے روک دیا گیا۔ہونا تو یہ چاہیے تھا کہ حاضری مکمل کی جاتی اور پھر مئیر کے انتخاب کا عمل شروع کیا جاتا۔ لیکن بر قسمتی سے ایسا نہیں ہوسکا۔ الیکشن کمیشن نے اپنا کردار ادا نہیں کیا اور بے رحمی سے مینڈیٹ کا قتل کیا گیا۔اکثریت کو اقلیت میں تبدیل کیا گیا یہ حقیقی مینڈیٹ کے ساتھ دھوکا اور جبری قبضہ ہے۔مینڈیٹ پر قبضہ کے نتائج شہر اور ملک کے حق میں بہتر نہیں ہوں گے۔

واضح رہے کہ کراچی میں میئر کے انتخابات ہوئی، جماعت اسلامی کے حافظ نعیم الرحمان ہار گئے، پی پی کے مرتضیٰ وہاب جیت گئے، اس دوران جماعت اسلامی نے احتجاج کیا، جماعت اسلامی کے کارکنان پر پولیس نے تشدد کیا، کئی کارکنان کو گرفتار کر لیا گیا ،

دوسری جانب امیر جماعت اسلامی سراج الحق کا کہنا ہے کہ منتخب نمائندوں کے اغوا، ووٹوں کی خریداری، دھونس دھاندلی سے میئر کراچی کا الیکشن آئین و جمہوریت پر سوالیہ نشان ہے۔ اگر جمہوریت کو اس طرح مسلسل مذاق بنایا جائے گا تو اس پر لوگوں کا رہا سہا اعتماد بھی ختم ہو جائے گا۔ الیکشن کمیشن اور سندھ حکومت کی ملی بھگت بھی واضح ہے، بلدیاتی اور میئر الیکشن میں اس نے سندھ حکومت کے طفیلی ادارے کا کردار ادا کیا ہے۔ یہ شرمناک اور قابل مذمت ہے۔ شفاف قومی انتخابات کےلیے الیکشن کمیشن نے اپنی وقعت کھو دی ہے۔

پیپلز پارٹی کے امیدوار نے اب تک 173 ووٹ حاصل کیے اور کامیاب قرار پائے،

امیر جماعت اسلامی پاکستان سراج الحق کی اپیل پر کراچی میئر الیکشن کے اغوا، ووٹوں کی خریداری، دھونس دھاندلی کے خلاف 16 جون بروز جمعۃ المبارک ملک گیر یوم سیاہ منایا جائے گا۔

نائب امیر جماعت اسلامی میاں محمد اسلم نے کہا کہ ریاستی مشینری کی مدد سے پیپلزپارٹی نے کراچی میں 71 کی تاریخ دوہرا کر عوامی رائے پر شب خون مارا ہے۔ حافظ نعیم کے حامی 30 سے زائد چیئرمین اغوا اور انھیں ووٹ سے محروم کرنا ننگی فسطائیت ہے۔ ان شاء اللہ جماعت اسلامی پر عوام کا اعتماد بڑھے گا۔ پورے سندھ سے پیپلزپارٹی کا جنازہ نکلے گا،

محمد اصغر، ڈپٹی سیکرٹری جنرل جماعت اسلامی کا کہنا ہے کہ پیپلزپارٹی 1970 سے دھاندلی کی سیاست اور اخلاقی کرپشن کر رہی ہے ۔ پیپلزپارٹی کا پنجاب، خیبر پختونخوا اور بلوچستان سے صفایا ہو چکا ہے۔ عالمی اور مقامی مافیاز کے ساتھ مل کر سندھ پر قبضہ کر رکھا ہے۔ آج کراچی کے میڈیٹ پر شب خون مارا ہے۔ یہ ہرگز ہرگز قبول نہیں کریں گے۔ پیپلزپارٹی کی بدمعاشی نہیں چلنے دیں گے

اپنی حفاظت کرنا سب کا فرض ہے حکومت بھی مدد کررہی ہے . وزیراعلیٰ سندھ

سمندری طوفان کے پیش نظر کراچی ڈویژن کی 40 عمارتوں کو مکمل مخدوش قرار 

سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا

 جوائے کے پیشِ نظر کراچی پورٹ پر الرٹ جاری

 پی آئی اے کی جانب سے حفاظتی انتظامات مکمل 

ہ آج پاکستان پیپلز پارٹی کو ایک تاریخی کامیابی ملی ہے