جسدن ڈاکووں کو این آراو دیا وہ میری ملک سے سب سے بڑی غداری ہو گی،وزیراعظم

باغی ٹی وی کی رپورٹ کے مطابق وزیراعظم عمران خان نے سوات میں تقریب سے خطاب کرتے ہوئے کہا ہے کہ شاندار استقبال پر آپ سب کا شکریہ ادا کرنا چاہتا ہوں،وزیراعلیٰ خیبر پختون خوا نے گبین جبہ کا دورہ کرایا،موٹروے اور سیاحتی مقامات کی وجہ سے سوات تبدیل ہونے والا ہے،سیاحت ایک ایسا شعبہ ہے جس میں بہت زیادہ پوٹینشل ہے،سیاحت جتنا زیادہ بڑھے گی ملک میں خوشحالی آئے گی، وزیراعظم قوم کے لیے ایک باپ کی طرح ہوتا ہے،ٹورازم بڑھنے سے ڈالر ملک میں آئیں گے، خوشحالی آئے گی،

وزیراعظم عمران خان کا مزید کہنا تھا کہ مدینہ کی ریاست میں انسانیت کا نظام اور قانون کی بالادستی تھی،خیبر پختون خوا کے تمام شہری کسی بھی اسپتال سے 10لاکھ روپے تک کا علاج کراسکتے ہیں، حکومت ایسے گھر بنائے گی کہ غریب آدمی قسطوں پر گھر لے سکے گا،انسان کو سب سے زیادہ ضرورت اپنے گھر کی ہوتی ہے، غریب لوگوں کو اپنا گھر لینے کا موقع ملے گا،پہلی دفعہ پاکستان میں ایک تعلیمی نظام لے کرآرہے ہیں، یکساں نظام تعلیم پاکستان میں پہلی بار ہے، غریب آدمی کے بچے بھی ڈاکٹر، پروفیسر بن سکیں گے، سول پروسیجر ایکٹ کے تحت کیسزکا فیصلہ ایک سال میں ہوگا، عدالتیں زمینوں کے کیسز سے بھری ہوئی ہیں،

وزیراعظم عمران خان کا مزید کہنا تھا کہ جو کیسز عدالتوں میں لگتے ہیں ، ان کا ایک سال میں فیصلہ ہوگا، زمینوں کے کیسز عدالتوں میں 20،20سال تک چلتے رہتے ہیں،نئے قانون کے تحت اب ایک سال کے اندر کیسز کا فیصلہ ہوگا،

وزیراعظم عمران خان کا مزید کہنا تھا کہ میں نے ڈاکوووَں کا نام لیا ہے ڈیزل کا نام نہیں لیا،ڈرامہ ہورہا ہے، پاکستان کے سارے ڈاکو اکٹھے ہوگئے ہیں،ایک شخص ڈرامہ کرکے لندن چلا گیا، جس پر عدالتوں کو بھی رحم آگیا، نوازشریف نے بڑی کوشش کی کہ کسی طرح این آر او مل جائے، وہ جانتا ہے کہ عمران خان این آر او نہیں دینے لگا، جب علم ہوگیا کہ عمران خان این آر او نہیں دے گا تو اس نے اداروں پر اٹیک کرنا شروع کردیا، نوازشریف اور ان کے بیٹے پیسے چوری کر کے باہر بیٹھے ہوئے ہیں، بڑے بڑے ڈاکو 30سال سے ملک کو لوٹ رہے تھے،

وزیراعظم عمران خان کا مزید کہنا تھا کہ آصف زرداری اور نوازشریف ایک دوسرے کو کرپٹ کہتے رہے ،نوازشریف پر کیسز آصف زرداری نے بنائے، آج یہ دونوں مل کر مجھ سے این آر او مانگ رہے ہیں،ملک کا پیسہ چوری کرکے مجھ سے این آر او مانگ رہے ہیں، جس دن میں نے ان کو این آر او دیا اس دن میری ملک سے سب سے بڑی غداری ہوگی،پرویز مشرف کے این آر او کی وجہ سے ہمارا قرضہ 30ہزار ارب پر گیا،یہ ملک ترقی تب کرے گا جب اس ملک میں قانون کی بالادستی ہوگی،پاکستان کو فلاحی ریاست بنانے کیلئے اور قانون کی بالادستی کیلئے پورا زور لگارہا ہوں،پاکستان تب ترقی کرے گا جب ملک میں قانون کی بالادستی ہوگی اور یہی خواب قائد اعظم اور علامہ اقبال نے دیکھا تھا۔