جو ہماری پارٹی کا گند تھا وہ چھوڑ کر چلے گئے ہیں،محمود الرشید

پاکستان تحریک انصاف کی رہنما یاسمین راشد اور محمود الرشید نے کہا ہے کہ ہم پارٹی نہیں چھوڑے رہے عمران خان کے ساتھ کھڑے ہیں۔

باغی ٹی وی: جناح ہاؤس توڑ پھوؤ جلاو گھیراؤ کیس میں گرفتار تحریک انصاف کی رہنما ڈاکٹر یاسمین کو آج تین روزہ جسمانی ریمانڈ مکمل ہونے پر لاہور کی انسداد دہشتگردی عدالت میں پیش کیا گیا جہاں انہوں نے میڈیا نمائندوں سے غیر رسمی گفتگو کی۔

یوم تکریم شہداء کی تقریب، مسلح افواج کے سپریم کمانڈر عارف علوی نظر نہ آئے

احاطہ عدالت میں صحافی نے یاسمین راشد سے سوال کیا کہ کیا آپ بھی پی ٹی آئی چھوڑ رہی ہے۔ جس پر یاسمین راشد نے جواب دیا کہ میں پی ٹی آئی نہیں چھوڑ رہی، میں عمران خان کےساتھ کھڑی ہوں۔

دوسری جانب انسداد دہشتگردی عدالت میں میڈیا سے غیر رسمی بات کرتےہوئے میاں محمود الرشید کا کہنا تھا کہ جو ہماری پارٹی کا گند تھا وہ چھوڑ کر چلے گئے ہیں، میں عمران خان کے ساتھ ڈٹ کر کھڑا ہوں، اور پارٹی چھورنے کا تصور بھی نہیں کر سکتا۔

ایشیاکپ: میزبان ملک سمیت شیڈول کو حتمی شکل دے دی گئی،فیصلہ کب کیا جائے گا؟

محمود الرشید کا کہنا تھا کہ آپ مجھے مارنا چاہتے ہیں گاڑی میں پنکھا بھی نہیں لگا ہوا، گآڑی میں پنکھا لگوا دیں اس دوران پولیس اور میاں محمود الرشید کے وکلا کے درمیان تکرار ہوئی۔