میہڑ : رکشہ یونین، شہری اتحاد اور سیاسی جماعتوں کا مہنگائی کیخلاف مشترکہ احتجاج

میہڑ ، باغی ٹی وی(نامہ نگار منظور علی جوئیہ ) رکشہ یونین، شہری اتحاد اور سیاسی جماعتوں کا مہنگائی کیخلاف مشترکہ احتجاج
تفصیل کے مطابق میہڑ میں پی ٹی آئی، رکشہ یونین، شہری اتحاد ، پی ٹی آئی کے منتخب کونسلرز، جماعت اسلامی، اہلسنت جماعت سمیت مختلف سیاسی وسماجی تاجروں، مذہبی تنظیموں نے مہنگائی، تیل کی قیمتوں میں اضافے کے خلاف نیاز علی برڑو، اور دیگر کی قیادت میں دعا چوک سے احتجاجی ریلی نکالی اور شہر کی مختلف سڑکوںمارچ کیا اور مہنگائی کے خلاف نعرے لگائے۔ریلی کے شرکاء خطاب کرتے ہوئے رہنماؤں نے کہا کہ مہنگائی نے عوام کو اپنی لپیٹ میں لے لیا ہے۔ ملک میں حکمرانوں کی نااہلی اور کرپشن کی وجہ سے مہنگائی میں اضافہ ہوا ہے تیل کی نرخون میں اضافہ کے باعث شہریوں کا جینا محال ہو گیا ہے ، غریب دو وقت کی روٹی کیلئے پریشان ہیں حکمرانوں کی عیاشیوں کی سزا عوام کو مل رہے ہے، شہریوں نے مطالبہ کیا ہے ملک میں بڑھتی ہوئی مہنگائی پر قابو پا کر حالیہ پیٹرولیم مصنوعات کی قیمتوں میں کیاگیا اضافہ کا فیصلہ واپس لیا جائے