جماعۃ الدعوۃ کے 3 رہنماؤں کو عدالت نے آج پھر سنائی سزا
باغی ٹی وی کی رپورٹ کے مطابق انسداد دہشت گردی عدالت نے دو مزید مقدمات میں جماعۃ الدعوۃ کے مرکزی رہنماؤں پروفیسر ظفر اقبال اور یحییٰ مجاہد کو 16، 16 سال جبکہ پروفیسر حافظ عبدالرحمن مکی کو ایک سال قید کی سزا سنادی،
جمعرات کے دن امیر جماعۃ الدعوۃ پروفیسر حافظ محمد سعید کے خلاف درج ایک مقدمہ میں بھی گواہوں کے بیانات اور جرح کا عمل مکمل کر لیا گیا ہے، جماعۃ الدعوۃ کے رہنماؤں کو سزائیں انسداد دہشت گردی کی عدالت نمبر 3 کے جج اعجاز احمد بٹر کی طرف سے مقدمہ نمبر 18/19 اور 24/19 میں سنائی گئی ہیں،
پروفیسر ظفر اقبال، پروفیسر حافظ عبدالرحمن مکی اور یحییٰ مجاہد کو ایک دن قبل بھی اے ٹی سی کورٹ نمبر 3 کی طرف سے ہی دو مقدمات میں سزائیں سنائی گئی تھیں،
قبل ازیں جماعۃ الدعوۃ پاکستان کے امیر پروفیسر حافظ محمد سعید کو انتہائی سخت سکیورٹی میں انسداد دہشت گردی کی عدالت نمبر 1 کے جج ارشد حسین بھٹہ کی عدالت میں پیش کیا گیا جہاں گواہوں کے بیانات پر نصیرالدین نیئر اور محمد عمران فضل گل ایڈووکیٹ کی طرف سے جرح مکمل کر لی گئی ہے، حافظ محمد سعید کیس کی سماعت 16 نومبر تک کیلئے ملتوی کردی گئی ہے،
انسداد دہشت گردی عدالت نے جماعة الدعوة کے تین مرکزی رہنماؤں کو ایک اور کیس میں سنائی سزا
ایلس ویلز پاکستان کیوں آ رہی ہے؟ ایسی حقیقت سامنے آئی جسے سن کر ہر پاکستانی غصہ میں آ جائے
عدالت نے جماعۃ الدعوۃ کے 3 رہنماؤں کو سزائیں سنا دیں
واضح رہے کہ اس سے قبل بھی جماعۃالدعوۃ کے امیر پروفیسر حافظ محمد سعید سمیت حافظ عبدالسلام بن محمد، پروفیسر حافظ عبدالرحمن مکی، پروفیسر ظفر اقبال، یحییٰ مجاہد، لقمان شاہ اور حافظ مسعود الرحمن کو مختلف مقدمات میں سزائیں سنائی جا چکی ہیں.
جماعۃ الدعوۃ کے ترجمان سمیت تین رہنماؤں کو دو مزید مقدمات میں سزائیں
