fbpx

جگن کاظم نے اپنے گھر نئے مہمان کی متوقع آمد اور جنس سے مداحوں کو آگاہ کردیا

شوبز انڈسٹری کی معروف اداکارہ و میزبان جگن کاظم نے اپنے گھر نئے مہمان کی متوقع آمد اور جنس سے مداحوں کو آگاہ کردیا۔

باغی ٹی وی :سماجی رابطے کی ویب سائٹ انسٹا گرام پر جگن کاظم نے اپنے دونوں بیٹوں کے ہمراہ تصویر شئیر کی جس کے کیپشن میں جگن کاظم نے لکھا کہ آپ لوگوں نے مجھے جو بے حد محبت اور دعائیں دی ہیں اس کے لئے میں آپ سب کا کبھی بھی شکریہ ادا نہیں کرسکتی۔

انہوں نے لکھا کہ میں اللہ کی بہت شکر گزار ہوں جس نے مجھے جلد ہی ایک اور بچے سے نوازا ہے۔

اداکارہ نے مداحوں سے کہا کہ براہ کرم میری دلی التجا ہے کہ آپ مجھے اپنی دعاؤں میں یاد رکھیں ساتھ ہی انہوں نے اپنے یوٹیب چینل کی ایک ویڈیو کا لنک شئیر کیا جس میں انہوں نے اعلان کیا کہ اس بار اُن کے ہاں بیٹی کی پیدائش متوقع ہے۔

یوٹیوب پر جاری اپنی ویڈیو میں جگن نے اپنی صحت کے حوالے سے بتایا اور حاملہ خواتین کو مشورے بھی دیے۔


اداکارہ نے اپنے یوٹیوب چینل پر 10 منٹ اور 30 سیکنڈ پر مبنی ایک ویڈیو شیئر کی جس میں ان کے دونوں بیٹے حمزہ اور حسن بھی موجود ہیں۔

ویڈیو میں جگن نے نئے بچے کی جنس کا اعلان دونوں بیٹوں کی موجودگی میں کیا اداکارہ نے کہا کہ میں نے یہ ویڈیو انہوں نے مداحوں کے اصرار پر بنائی ہے-

دونوں بیٹوں کے ہمراہ دلچسپ انداز میں بنائی جانے والی مذکورہ ویڈیو میں جگن نے مداحوں کو بتایا کہ انہیں ہمیشہ سے ہی بیٹی کی خواہش تھی اور انہیہں ہمیشہ سے ہی بہت شوق تھا کہ ان کے ہاں بیٹی پیدا ہو-

جگن اپنے یوٹیوب چینل پر ہیلتھ، بیوٹی، فوڈ،اور اپنی زندگی کے تجربات سمیت دیگر موضوعات پر مختلف ویڈیوز شیئر کرتی ہیں۔


اس سے قبل اداکارہ نے اپنی ایک پوسٹ میں اعلان کیا تھا کہ وہ بہت جلد ایک ویڈیو شیئر کریں گی جس میں گھر آنے والے ننھے مہمان کی جنس سے متعلق اعلان کیا جائے گا۔


اس سے قبل کی گئی ایک پوسٹ میں اداکارہ نے بتایا تھا کہ وہ اُمید سے ہیں اور جلد ہی تیسرے بچے کی والدہ بن جائیں گی۔ انہوں نے مزید لکھا تھا کہ آپ کی دعاؤں اور مثبت توانائی کی ضرورت ہے۔

40 سالہ جگن پہلی شادی ناکام ہونے کے بعد 27 جون 2013 کو فیصل سے رشتہ ازدواج میں منسلک ہوئیں جن سے ان کے دو بیٹے ہیں۔

شوہر کی سالگرہ کے موقع پر جگن کاظم کا محبت بھرا پیغام