ممبئی ائیر پورٹ پرجوہی چاولہ کی 15 سال پرانی بالی کھو گئی

بالی وڈ کی ماضی کی لیجنڈری اور معروف اداکارہ جوہی چاولہ کی وہ ڈائمنڈ بالی کھو گئی جو اُنہوں نے گزشتہ 15 سال سے پہنی ہوئی تھی۔

باغی ٹی وی:اداکارہ جوہی چاولہ کی وہ ڈائمنڈ بالی کھو گئی جو اُنہوں نے گزشتہ 15 سال سے پہنی ہوئی تھی اس حوالے سے جوہی چاولہ نے اپنے تصدیق شدہ ٹوئٹر اکاؤنٹ پر صارفین کے لیے خصوصی پیغام جاری کیا ہے۔

سماجی رابطے کی ویب سائٹ ٹوئٹر پر اپنی ڈائمنڈ بالی کی تصویر شیئر کرتے ہوئے جوہی چاولہ نے اپنے ٹوئٹر پیغام میں کہا کہ میں آج صبح ممبئی ائیرپورٹ پر تھی جہاں چیکنگ کے دوران میری ڈائمنڈ بالی کہیں گِرگئی۔

Kindly help 🙏 pic.twitter.com/bNTNYIBaZ2

— Juhi Chawla (@iam_juhi) December 13, 2020

53 سالہ بھارتی اداکارہ نے کہا کہ اگر کوئی بھی میری وہ ڈائمنڈ بالی ڈھونڈنے میں مدد کرسکتا ہے تو براہ کرم میری مدد کیجیے۔

@CSMIA_Official @pranaamgvk

— Juhi Chawla (@iam_juhi) December 14, 2020

اُنہوں نے کہا کہ اگر کسی کو بھی میری بالی مل جاتی ہے تو فوری طور پر مقامی پولیس کو اطلاع دیں اور اس کے بدلے میں آپ کو انعام بھی دیا جائے گا۔

چوہی چاولہ نے کہا کہ میری بالی ایسی تھی اور میں نے گزشتہ 15 سال سے یہ پہنی ہوئی تھی براہ کرم اسے تلاش کرنے میں میری مدد کریں، شکریہ۔

کیپشن میں انہوں نے مداحوں سے اور ائیر پورٹ عملے سے مدد کی درخواست کی-