اسلام آباد: سربراہ جمیعت علما اسلام (جے یو آئی) مولانا فضل الرحمان نے سیاسی اتحاد کے لیے پاکستان تحریک انصاف (پی ٹی آئی) سے تحریری ضمانت مانگ لی ہے۔
ذرائع کے مطابق بانی پی ٹی آئی عمران خان نے گٹھ جوڑ کمیٹی کی منظوری دے دی ہے، جو اپوزیشن لیڈر عمر ایوب، سینیٹر شبلی فراز، چئیرمین بیرسٹر گوہر اور اسد قیصر پر مشتمل ہوگی،مولانا فضل الرحمان نے مجلس شوریٰ سے مشاورت کے بعد سیاسی گٹھ جوڑ کمیٹی تشکیل دینے کی یقین دہانی کرائی۔
ذرائع جے یو آئی کا کہنا ہے کہ پی ٹی آئی اور جے یو آئی کے درمیان چار نکات پر اتفاق ہوگیا ہے، ملک کی سیاست سے اسٹیبلشمنٹ کے کردار کے خاتمے پر دونوں جماعتوں پر اتفاق ہوا،آئین کی بالادستی، صوبائی وسائل اور مسائل مل کر حل کرنے پر بھی اتفاق ہوا، دو نو ں جماعتوں کا افغانستان کے ساتھ دیرینہ تعلقات پر اتفاق بھی سیاسی گٹھ جوڑ کا حصہ ہے۔
