اسلام آباد: جمعیت علما اسلام نظریاتی نے انتخابی اتحاد میں تحریک انصاف کے ساتھ چلنے کااعلان کردیا –
باغی ٹی وی : جے یو آئی نظریاتی کے رہنما مولانا گل نصیب نےپی ٹی آئی رہنماؤں کے ہمراہ پریس کانفرنس کرتے ہوئے کہا کہ ہم پاکستان کو مستحکم دیکھنا چاہتے ہیں،ہم چاہتے ہیں اس نظام پراعتماد پیدا کیا جائے، جس کیلئے ہم تحریک انصاف کے شانہ بشانہ کھڑے رہیں گے۔
پی ٹی آئی رہنمابیرسٹرگوہرنے کہا کہ ملکی معیشت اورحالات کو بہتر کرنےکیلئےمل کرآگے بڑھیں گے،ہم رابطے جاری رکھیں گے، اور مشترکہ کوششیں کریں گے-
پاکستان اٹامک انرجی کمیشن کو 2 نئے لائسنس جاری
پی ٹی آئی رہنما اسدقیصر نے کہا کہ پوراالیکشن متنازعہ ہوگیا ہے،کمشنر راولپنڈی کے بیان سےواضح ہوگیا کہ کتنی بڑی دھاندلی ہوئی ہے،ان انکشافات کی انکوائری ہونی چاہیے،کراچی اورکوئٹہ جائیں گے،بندکمروں کےفیصلوں کااختیارکسی کونہیں دیں گے منصوبہ بندی سے ہمارا مینڈیٹ چھینا گیا،ہم تمام سیاسی جماعتوں کو اکٹھا کررہے ہیں،جو بھی وزیراعظم ہمارےعلاوہ وزیراعظم بنا وہ جعلی ہوگا۔
