ججز اور انکے بیگمات کے خلاف چلانے والے مہمات میں سیاسی جماعت ملوث

سوشل میڈیا پر ججز اور انکے خاندانوں کو بدنام کرنے لئے حالیہ دنوں میں ہتک آمیز مہم چلائی گئی، جس میں سیاسی جماعت سے جڑے اکاونٹس ملوث ہونے کا انکشاف ہوا ہے۔ رپورٹ کے مطابق ہوا بازی ڈویژن کا 12 اکتوبر کا مراسلہ 12 دسمبر کو جے بی نامی اکاؤنٹ سے پوسٹ ہوا، اس کے بعد عمر محمود حیات کے اکاؤنٹ سے 16 دسمبر رات 11:39 پر مراسلہ پوسٹ ہوا، ان اکاؤنٹس سے ججز، عدلیہ کو پہلے بھی تنقید کا نشانہ بنایا جاتا رہا ہے، جب کہ ان اکاؤنٹس سے بانی پی ٹی آئی کے مقدمات پر ججز اورعدلیہ پر تنقید کی جاتی رہی ہے۔ ججز، ان کی فیملی اور عدلیہ کے خلاف سوشل میڈیا پر حالیہ کردار کشی مہم میں سیاسی جماعت سے جڑے جانے مانے پروپیگنڈا اکاؤنٹس ملوث نکلے، جب کہ ججز کی بیگمات کو چیکنگ سے استثنیٰ دینے والا پرانا خط بھی استعمال کیا گیا۔ رپورٹ میں بتایا گیا ہے کہ ججز کی کردارکشی مہم میں سیاسی جماعت سےجڑےاکاؤنٹس پیش پیش رہے، جب کہ چند سوشل میڈیا ایکٹوسٹ نے بھی اس مخصوص سیاسی جماعت کے ٹارگٹڈ ایجنڈے کو آگے بڑھایا، اور چند وی لاگر ٹرینڈ بنانے میں پیش پیش رہے۔سپریم کورٹ کی جانب سے جاری وضاحت سے پروپیگنڈے کو کاؤنٹر کیا گیا، تاہم فیک نیوز کو پھیلانے والوں نے وضاحت کے بعد بھی اپنے فالوورز کو کوئی وضاحت تک نہ دی۔