جمائما گولڈ اسمتھ نے ہمیشہ کی طرح ایک بار پھر پاکستانیوں کے دل جیت لئے

پاکستانی وزیر اعظم عمران خان کی سابقہ اہلیہ جمائما گولڈ اسمتھ کا ایک پرانا ویڈیو کِلپ سوشل میڈیا پر خوب وائرل ہورہا ہے، جس میں وہ اردو زبان میں بات کرتی نظر آ رہی ہیں –

باغی تی وی : سوشل میڈیا پر وزیر اعظم عمران خان کی سابقہ اہلیہ جمائما گولڈ اسمتھ کا ایک پرانا ویڈیو کلپ خوب وائرل ہورہا ہےویڈیو میں دیکھا جاسکتا ہے کہ جمائما گولڈ اسمتھ کو کچھ پاکستانی لندن کی سڑکوں پر دیکھتے ہی ان سے بات کرتے ہیں اور جمائما بھی خوشگوار موڈ میں ان کے سوالات کے جواب خوش اخلاقی سے دیتی ہیں-
https://www.instagram.com/p/CEMz0WjB4tK/?igshid=18jwgrh9t14ln
پاکستانی شہری جمائما کو مخاطب کرتے ہوئے سوال پوچھتے ہیں کہ کیا آپ کو پنجابی آتی ہے؟جس کا جواب جمائما خان اردو میں دیتے ہوئے کہتی ہیں کہ جی مجھے پنجابی نہیں لیکن اردو آتی ہے۔

جمائما کو روانی میں اردو بولتا دیکھ کر سوال کرنے والے پاکستانی بے پناہ خوشی کا اظہار کرتے ہوئے حیران رہ جاتے ہیں۔

سوشل میڈیا پر یہ ویڈیو وائرل ہونے کے بعد پاکستانی سوشل میڈیا صارفین کا کہنا ہے کہ جمائما ہمیشہ ہی پاکستانیوں کے دل جیتنے میں کامیاب رہتی ہیں۔
https://twitter.com/Mussa50296293/status/1297177596388454401
واضح رہے کہ جمائما اور عمران خان کی شادی 1995 میں ہوئی تھی، جمائما نے عمران خان کے ساتھ 1995 سے 2004 تک 9 سال لاہور میں مقیم رہیں جمائما اور عمران خان کے 2 بیٹے سلیمان اور قاسم ہیں، جو اس وقت لندن میں زیر تعلیم ہیں اور اپنی والدہ جمائما گولڈ اسمتھ کے ہمراہ رہتے ہیں۔

علی ظفر کے مداح نے انہیں ہالی وڈ سُپر سٹار ٹام کروز سے مشابہہ قراردیا

عالمگیر وبا کورونا وائرس کے باعث احد رضا میر کا تھیٹر پلے موخر