پنجاب کی وزیر اعلیٰ مریم نواز کے صاحبزادے جنید صفدر کی شادی کی تاریخ سامنے آگئی ہے۔
میڈیا رپورٹس کے مطابق جنید صفدرکی ہونے والی اہلیہ شانزے شیخ ،روحیل اصغر کی پوتی ہیں،شادی کی تقریبات آئندہ ماہ جنوری کے وسط میں طے پائی ہیں،اس حوالے سے مسلم لیگ ن کے رہنما شیخ روحیل اصغر کا کہنا تھا کہ شادی سولہ، سترہ اور اٹھارہ جنوری کو طے پائی ہے،مریم نوازاپنی بڑی بیٹی اور داماد راحیل منیر کےساتھ رشتہ لےکرآئے تھے۔
جب بیٹے نے بتایا تومیں نے کہا کہ یہ توخوشی کی بات ہے،میاں نوازشریف نےباضابطہ ہمیں کھانے پرگھربلایا،میری اہلیہ میاں نواز شریف اور مریم نوازکی مہان داری سےبہت متاثرہوئیں،میری اہلیہ، بہواورمریم نوازنے بیٹھ کرشادی کے معاملات طے کیے،یہ رشتہ دوماہ پہلےطےپایا تھا،مریم نوازکی صاحبزادی ماہ نورکی میری پوتی سے گہری دوستی ہےشادی پر صرف قریبی رشتہ داروں کو مدعوکیا جار ہا ہے، مہندی کی مشترکہ رسم جاتی عمرہ میں ادا کی جائے گی،ولیمہ بھی جاتی عمرہ میں ہوگا،
واضح رہے کہ جنید صفدر کی پہلی شادی معروف بزنس مین سیف الرحمان کی صاحبزادی سے ہوئی تھی،تاہم اکتوبر 2023 میں دونوں کے درمیان طلاق ہو گئی تھی۔
