جمعیت علمائے پاکستان نیوکراچی کے سابق صدر صوفی حنیف سروری انتقال کر گئے ۔ مرحوم کافی عرصے سے علیل تھے ۔ صوفی حنیف سروری کی نماز جنازہ جامع مسجد فاروق اعظم گودھرا کالونی نیوکراچی میں ادا کی گئی اور تدفین نیوکراچی قبرستان میں انجام پائی ۔
باغی ٹی وی: جنازے میں جمعیت علمائے پاکستان کراچی کے جنرل سیکریٹری ملک محمد شکیل قاسمی، قاری شمیم الدین،شیخ فیروز کولیا اور دیگر رہنماوکارکنان سمیت عزیز و اقارب کی بڑی تعداد شریک ہوئی۔ دریں اثنا جے یوپی کراچی کے صدر علامہ قاری خلیل احمد نورانی ، نائب صدر مفتی محمد زبیر عامر گیلانی، ڈپٹی جنرل سیکریٹری احمد بن عبداللہ ، جوائنٹ سیکریٹری محمد اسلم آرائیں ،سمیع شیخ ،سید عمران حسین، سید شبیر شاہ، ملک شکیل احمد ، ڈاکٹر طلحہ قادری، اویس قادری، انیس قریشی، حاجی الیاس چیئرمین ودیگر نے مرحوم کے پسماندگان سے تعزیت وافسوس کا اظہار کرتے ہوئے ان کی بخشش و مغفرت اور درجات کی بلندی اور لواحقین کے لئے صبر جمیل کی دعا کی ہے۔
