کراچی (باغی ٹی وی)کے الیکٹرک نے بل کی عدم ادائیگی پر صدر مملکت عارف علوی کی کراچی میں رہائش گاہ اسٹیٹ گیسٹ ہاؤس کی بجلی کاٹ دی ہے ،ترجمان کے الیکٹرک کے مطابق اسٹیٹ گیسٹ ہاؤس کے 26 لاکھ روپے سے زائد کے بقایاجات ہیں۔ کے الیکٹرک مستقل بنیادوں پر تمام اداروں سے واجبات کی وصولی کے حوالے سے رابطے میں رہتا ہے۔ترجمان نے کہا کہ بجلی کاٹنے سے قبل بذریعہ نوٹس بل کی ادائیگی کی یاد دہانی کرائی گئی تھی، تاہم جواب موصول نہیں ہوا۔ بلوں کی بروقت ادائیگی بجلی کی مستقل فراہمی کا اہم جز ہے، عدم ادائیگی کی بنیاد پر شہر بھر میں روزانہ 5 ہزار سے زائد کنکشنز منقطع کیے جارہے ہیں-
Shares:
