حکومت کام کرے تب بھی تنقید ہوتی ہے نہ کرے تب بھی ہوتی ہے،مرتضیٰ وہاب

باغی ٹی وی کی رپورٹ کے مطابق ایڈمنسٹریٹر کراچی مرتضیٰ وہاب نے کہا ہے کہ آج بے نظیر انکم سپورٹ پروگرام کے تحت احسن اقدام ہوا ،

مرتضیٰ وہاب کا کہنا تھا کہ جن کے واجبات رہتے تھے وہ بھی ادا کرنے کا فیصلہ کیا گیا ،مستحق لوگوں کا مطالبہ تھا اور فیصلے پر شازیہ مری اور ان کی ٹیم کا شکر گزار ہوں،بینظیر کے نام سے منسوب پروگرام کو مزید تقویت دینے کے خواہاں ہیں بی آئی ایس پی کا ایک دفتر کے ایم سی میں بھی کھول رہے ہیں حکومت کام کرے تب بھی تنقید ہوتی ہے نہ کرے تب بھی ہوتی ہے،سندھ حکومت نے سیلاب متاثرین کو سہولیات دینے کے لیے حکمت عملی سے کام کیا،سندھ حکومت نے پہلے فیز میں متاثرہ خاندان کو 3 لاکھ روپے دینے کا فیصلہ کیا، حکومتی چیک اینڈ بیلنس کے ساتھ لوگوں کو امداد دی جارہی ہے،

مرتضیٰ وہاب کا مزید کہنا تھا کہ ماضی کی بے اختیار کے ایم سی اب انڈر پاسز فلائی اوورز کی مرمت کر رہی ہے ، کراچی کا میئر پہلے سے زیادہ بااختیار ہوگاجلد بل پیش کریں گے،کراچی کے ہر ضلع میں کام ہو رہا ہے،جلد کھیل کے میدانوں کی تعمیر و مرمت مکمل ہوجائیگی، 31 دسمبر تک شہر کی تمام تباہ حال سڑکوں کو ٹھیک کردیں گے۔جنوری میں انتخابات کے لیے سیاسی میدان میں انتظار کریں گے جب انتخابات میں پولیس کی نفری کم ہوگی تو سیاسی جماعتیں الزامات لگائیں گے،جب انتخابات ہوں گے تو 16 جنوری کو سیاسی جماعتیں نتائج کو تسلیم کریں،مجھے اندازہ ہے کہ 16 جنوری کو پھر تنقید کریں گے اہم تعیناتی سے متعلق وفاقی حکومت نے قانونی اور آئینی انداز سے فیصلہ کیا،صدر نے آئینی ذمہ داری کے تحت اس پر دستخط کیے ،سیاسی استحکام سے ملک کے معاشی استحکام پیدا ہوتا ہے،ملک میں اگر افرا تفری نہ ہو تو سرمایہ کار کو بھی تسلی ہوتی ہے،اگر حکومتی امور میں عدالتیں مداخلت کریں گی تو حکومت نہیں چلتی،کسی حکومت کو عدالتی معاملات میں مداخلت نہیں کرنی چاہیے اگر کہیں کام خراب ہوتا ہے تو لوگ نمائندوں اور مئیر کو پکڑیں گے اگر کے ایم سی کے پاس پیسے ہوں گے تو مئیر آرام سے ترقیاتی کام کرے گا

قبل ازیں ایڈمنسٹریٹر کراچی مرتضیٰ وہاب نے چڑیا گھر کا دورہ کیا، اس موقع پر فوڈ اسٹریٹ کی تعمیر تکمیل پر بریفنگ دی گئی، بریفنگ میں بتایا گیا کہ ملکہ برطانیہ کی طرف سے دیا گیا پیتل کے شیروں کا جوڑا، فوڈ اسٹریٹ پر نصب کردیا گیا، چڑیا گھر فوڈ اسٹریٹ کورنگ برنگی چھتریاں لگا کرخوبصورت بنایا گیا قدرتی ماحول میں رکھنے کے لیے جانوروں کی نئی رہائش گاہ بھی آخری مراحل میں ہے، وسیع کار پارکنگ ایریا کے بعد گاڑیاں اب وہاں پارک ہوں گی، ایڈمنسٹریٹر کراچی مرتضیٰ وہاب کا کہنا تھا کہ شہریوں کو اچھا ماحول فراہم کرنے کی بھرپور کوشش کررہے ہیں،شہری اپنی فیملی کے ہمراہ چڑیا گھر آئیں اور سیر و تفریح سے لطف اندوز ہوں،فوڈ اسٹریٹ کی تکمیل کے بعد شہری لذ یز کھانوں سے لطف اندوز ہوسکیں گے،اپنے شہریوں کو چڑیا گھر میں بہترین ماحول فراہم کرینگے،ہم نے ملکر تفریحی مقامات اور انکے اطراف میں صفائی ستھرائی کا بھی خیال رکھنا ہے،

سیاسی ایڈمنسٹریٹر نے کراچی کو ڈبو دیا،جماعت اسلامی

 بجلی کے بلوں پر عائد ٹیکس ناقابل برداشت ہے

بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان