وزیراعلٰی خیبر پختونخوا کو کارکنوں نے گھیرلیا اور کہا کہ آپ کہیں نہیں جائیں گے، علی امین گنڈاپور نے جواب دیا کہ میں کہیں نہیں جارہا۔
میڈیا رپورٹ کے مطابق پی ٹی آئی کارکنان کا قافلہ اسلام میں احتجاج کے لیے پیش قدمی کرتے ہوئے بشری بی بی اور وزیراعلیٰ خیبرپختونخوا علی امین گنڈاپور کی قیادت میں غازی بروتھا نہر کے قریب رکا ہوا ہے۔ غازی بروتھا پہنچ کر علی امین گنڈاپور نے کارکنوں کو رکنے کی ہدایت کی اور کہا کہ تھوڑی دیر وقفے کے بعد روانہ ہوں گے۔ بعدازاں کارکنوں نے علی امین گنڈاپور کو گھیر لیا اور کہا کہ آپ کہیں نہیں جائیں گے جس پر گنڈاپور نے جواب دیا کہ میں کہی نہیں جارہا آپ کے ساتھ ہوں، ریسٹ ایریا میں نماز پڑھتے ہیں۔ دوسری جانب مسلم لیگ ن کے سینئر رہنما و ترجمان اختیارولی خان نے دعوی کیا ہے کہ گنڈاپور اور بشری بی بی دونوں ریلی سے رفوچکر ہو چکے ہیں۔ علی امین گنڈاپور پانچ گھنٹے میں صوابی سے برہان نہیں پہنچ پائے ۔ انکا مزید کہنا تھا کہ ریلی میں سرکاری ملازمین سمیت پندرہ سو سے دو ہزار افراد شامل تھے۔ کارکن قیادت کی سست رفتاری پر نالاں ہوکر واپس مڑ رہے ہیں۔ سخت موسم میں کارکنان مایوس ہوکر قیادت کو کوسنا شروع ہو گئے ہیں۔ فائنل کال پی ٹی آئی کے خاتمے کی فائنل کال ثابت ہو رہی ہے۔
بھارت:مسجد گرا کر مندر کی کوشش،ہنگامے
مری میں بھی کل تعلیمی ادارے بند رکھنے کا فیصلہ
شہریوں کی سہولت کیلیے نادرا کی خودکار مشینیں نصب کرنے کا فیصلہ
دنیا کے کئی ممالک میں پی ٹی آئی کا احتجاج
