کبڈی ورلڈ کپ، بھارتی ٹیم پہنچی پاکستان،دیگر کن ممالک کی ٹیمیں آ گئیں؟

باغی ٹی وی کی رپورٹ کے مطابق بھارتی کبڈی ٹیم ورلڈ کپ میں شرکت کے لئے پاکستان پہنچ گئی، کبڈی ٹیم واہگہ بارڈر کے ذریعے لاہور پہنچی۔

پاکستان میں کبڈی ورلڈ کپ کل سے شروع ہوگا،ایونٹ میں پاکستان ،بھارت،جرمن،آذربائیجان سمیت10 ملکوں کی ٹیمیں شرکت کریں گی ،کبڈی ورلڈکپ کے میچ لاہور،فیصل آباداورگوجرانوالہ میں کھیلے جائیں گے،اس حوالے سے تمام انتظامات مکمل ہیں۔ مہمان ٹیموں کی پاکستان آمد جاری ہے

لاہور… کبڈی ورلڈکپ میں شرکت کے لئے بھارتی کبڈی ٹیم واہگہ پہنچ گی
بھارتی کبڈی ٹیم واہگہ کے راستے پاکستان پہنچی pic.twitter.com/L6FOpfFgyF

— jameel (@jameel48319764) February 8, 2020

بھارتی کبڈی ٹیم میں امرت اولکھ، ونے کھتری،یادھا سرخ پوراور کھسی دگن شامل ہیں،دلا بگا پنڈ،سرلی خروال،کلدیپ سنگھ ،ارش اورجودھا سرخ پور شامل ہیں،پاکستان پہنچنے پرسپورٹس بورڈ پنجاب کے حکام نے کھلاڑیوں کا استقبال کیااور گلدستے پیش کئے، اس موقع پر سکیورٹی کے سخت انتظامات کئے گئے تھے، مہمان ٹیم کو سخت سکیورٹی میں ہوٹل پہنچایاگیا،

پاکستان کبڈی فیڈریشن اور حکومت پنجاب کے تعاون سے منعقدہ کبڈی ورلڈ کپ 2020ءمیں شرکت کیلئے جرمنی، ایران اور آذربائیجان کی ٹیمیں بھی لاہور پہنچ گئی ہیں ،سپورٹس بورڈ پنجاب کے حکام نے علامہ اقبال انٹرنیشنل ایئر پورٹ پر تینوں ٹیموں کے کھلاڑیوں کا پرتپاک استقبال کیا

صوبائی وزیر کھیل رائے تیمور خان بھٹی نے کہا کہ کبڈی ورلڈ کپ 2020ءمیں حصہ لینے والی غیرملکی ٹیموں کو بہترین سہولتیں دیں گے، کبڈی شائقین کو شاندار کبڈی دیکھنے کو ملے گی جنہیں وہ مدتوں یاد رکھیں گے۔

ان کا کہنا تھا کہ ورلڈکپ میں دنیا بھر کی 10 بہترین ٹیمیں ایک دوسرے کے مقابل ہوں گی اور پرزور مقابلے ہوں گے، پنجاب کے کھیل کبڈی کو فروغ دینے میں کبڈی ورلڈ کپ سنگ میل ثابت ہوگا، کبڈی ورلڈ کپ کیلئے ہماری تیاریاں مکمل ہیں