راجن پور :کچہ آپریشن 18واں دن،پولیس دستے ڈاکوؤں کی کمین گاہوں میں داخل،5 ڈاکو گرفتار، بھاری تعداد میں اسلحہ ایمونیشن برآمد

ڈیرہ غازیخان (باغی ٹی وی )راجن پور میں کچہ آپریشن کے 18ویں روز پولیس کی ملک دشمن عناصر کے خلاف آپریشنل کارروائیوں کا سلسلہ جاری۔جدید ہتھیاروں اور بکتر بند دستوں سے لیس پولیس دستے کچہ میانوالی میں ڈاکووں کی کمین گاہوں میں داخل، شدید فائرنگ کے تبادلہ کے بعد کچہ میانوالی سے 5 ڈاکوؤں کو گرفتار کر کے بھاری تعداد میں اسلحہ ایمونیشن برآمد۔ کچی میانوالی میں ڈاکووں کی کمین گاہیں اور خفیہ ٹھکانے مسمار کر کے نذر آتش۔ کلئیر کرائے گئے ایریا میں مزید سرچ آپریشن جاری۔ چک عمرانی، چک بیلے شاہ ، چک کپڑا کے کلیئر کرائے گئے علاقوں میں سرچ آپریشن جاری دہشت گردوں کی متعدد کمین گاہیں تباہ کردی گئیں۔ اب تک آپریشن میں 4 دہشت گرد ہلاک، 5 ڈاکو سمیت 16 سہولت کار گرفتار ہو چکے ہیں۔ آر پی او ڈیرہ غازی خان کیپٹن ریٹائرڈ سجاد حسن خان اور ڈی پی او محمد ناصر سیال مسلسل کچہ کے آپریشنل ایریا میں فرنٹ لائن موجود رہ کر تمام تر آپریشن کی مکمل کمانڈ کا سلسلہ جاری ۔