اسلام آباد: محکمہ موسمیات کے مطابق مغربی ہواؤں کا سلسلہ کل پاکستان کے بالائی علاقوں میں داخل ہوگا۔
باغی ٹی وی :محکمہ موسمیات کے مطا بق ملک کے بالائی علاقوں میں کل نیا موسمیاتی نظام داخل ہوگا جو بارشوں اور برفباری کا سبب بنے گا، 19 سے 21 فروری کے دوران اسلام آباد،خیبر پختونخوا ،گلگت بلتستان اور کشمیر میں وقفے وقفے سے بارش اور پہاڑوں پر بعض مقامات پر برفباری کا امکان ہے ، مری اور گلیات میں بھی بارش اور برف باری کی توقع ہے۔
محکمہ موسمیات کے مطابق 19 سے 21 فروری کے دوران لاہور سمیت پنجاب کے بیشتر اضلاع میں تیز ہوا چلنے اور بارش کا امکان ہے جبکہ بالائی علاقوں میں برف باری کے اثرات پنجاب کے دیگر اضلاع میں بھی پہنچیں گے،سرگودھا، میانوالی ، بھکر، خوشاب، حافظ آباد ، گجرانوالہ ، منڈی بہا الدین اور گجرات میں بارش ہو سکتی ہے، ٹوبہ ٹیک سنگھ، جھنگ فیصل آباد شیخو پورہ نارووال اور سیالکوٹ میں بھی بارش کاامکان ہے
ڈپٹی کمشنر قصور کیپٹن ریٹائرڈ اورنگزیب حیدر تبدیل
19 فروری کو ملتان ڈیرہ غازی خان لیہ مظفرگڑھ خانیوال ساہیوال پاکپتن اوکاڑہ اور بہاولنگر میں بھی ہلکی بارش کے امکانات ہیں۔ بارش کے ساتھ ساتھ پہاڑی علاقوں میں برفباری بھی متوقع ہے۔
بلوچستان کے بعض علاقوں میں آج اور کل بارش اور پہاڑوں پر برفباری ہو سکتی ہے ،19 سے 21 فروری کےدوران سندھ کے بیشتر علاقوں میں موسم خشک رہے گا تاہم ساحلی علاقوں میں تیز ہوائیں چل سکتی ہیں۔
بچوں سمیت 299 مریضوں سے ریپ، فرانس میں سابق سرجن گرفتار
ڈائریکٹر جنرل پی ڈی ایم اے عرفان علی کاٹھیا کا کہنا تھا کہ سیاح موسم کی مناسبت سےانتہائی محتاط رہیں اور موسم کی صورتحال کو دیکھتے ہوئے پروگرام ترتیب دیں پی ڈی ایم اے کنٹرول روم میں صورتحال کی مانیٹرنگ 24 گھنٹے جاری ہےشہری خراب موسم کی صورتحال میں غیر ضروری سفر سے گریز کریں، ایمرجنسی میں پی ڈی ایم اے کی ہیلپ لائن 1129 پر کال کر سکتے ہیں۔
پاکستان میں طویل خشک سالی خاتمہ، محکمہ موسمیات نے بارش کی پیشگوئی کر دی
