کراچی میں کمسن بچی سے مبینہ طور پر زیادتی کرنے والا ملزم گرفتار

کراچی میں کمسن بچی سے مبینہ طور پر زیادتی کرنے والے ملزم کو پولیس نے گرفتار کرلیا۔

باغی ٹی وی: تفصیلات کے مطابق سچل کے علاقے جمالی گوٹھ میں سفاک ملزم نے کمسن بچی کو مبینہ طور پر اپنی ہوس کا نشانہ بنا دیا ، پولیس نے ایک ملزم کو بچی کے ساتھ زیادتی کے الزام میں گرفتار کرلیاپولیس حکام کے مطابق جمالی گوٹھ کے علاقے میں 8 سالہ (چ) نامی بچی کو زیادتی کا نشانہ بنائے جانے کی اطلاع پر پولیس موقع پر پہنچ گئی اور کمسن بچی کو طبی معائنے کے لیے فوری طور پر عباسی شہید اسپتال منتقل کر دیا۔

انھوں ںے بتایا کہ پولیس نے سخت تحقیقات کے دوران 2 گھنٹے کے اندر کمسن بچی کو مبینہ طور پر زیادتی کا نشانہ بنانے والے ملزم بدر الدین کو گرفتار کرلیااس حوالے سے پولیس سرجن ڈاکٹر سمعیہ نے کمسن بچی کے ساتھ زیادتی کی تصدیق کرتے ہوئے بتایا کہ لیڈی ایم ایل او نے ڈی این اے سمیت دیگر نمونے حاصل کیے ہیں اور ان کی رپورٹ آنے کے بعد صورتحال مزید واضح ہوجائے گی۔

مارگلہ ہلز کے مقام پر گن پوائنٹ پر خاتون سے جنسی زیادتی

دوسری جانب وفاقی دارالحکومت اسلام آباد کے تھانہ کوہسار کی حدود میں مارگلہ ہلز کے مقام پرگن پوائنٹ پرجنسی زیادتی کی گئی ہے، پولیس نے واقعہ کا مقدمہ درج کر لیا ہے خاتون کو نوکری کا جھانسہ دے کر جنسی زیادتی کا نشانہ بنایا گیا ہے، درج مقدمے میں خاتون نے کہا کہ وہ پنجاب کے علاقے شیخوپورہ کی رہائشی ہے اور نوکری کے بہانے ملزم نے پنڈی بلوایا، ایک گھر میں ٹھہرایا، نوکری دلوانے کے بہانے پیسے بھی لئے اور اسلام آباد کی سیر کروانے لے گیا، ملزم نے ٹریل تھری پر لے جا کر جنگل میں گن پوائنٹ پر زبردستی جنسی زیادتی کا نشانہ بنایا، میں نے شور مچایا تو ملزم نے جان سے مارنے کی دھمکی دی، پولیس نے مقدمہ درج کر کے واقعہ کی تحقیقات شروع کر دی ہیں-

لون ایپ کمپنی کی بلیک میلنگ کے مزید کیس رپورٹ