کندھ کوٹ(باغی ٹی وی)ڈاکوؤں کی فائرنگ سے 2 پولیس اہلکار شہید
کندھ کوٹ کے علاقے گڑھی تیغو میں ڈاکوؤں نے پولیس موبائل پر حملہ کر کے 2 اہلکاروں الطاف بروہی اور عبدالقادر کلادی کو شہید کر دیا۔
ایس ایس پی بشیر احمد بروہی نے واقعے کی تصدیق کرتے ہوئے کہا کہ یہ حملہ شکارپور کی حدود میں پیش آیا۔ کچے کے علاقے میں بدامنی کے باعث پولیس اہلکاروں کی شہادت کے واقعات بڑھ رہے ہیں۔
ایس ایس پی نے شہداء کے اہل خانہ سے اظہارِ ہمدردی کرتے ہوئے کہا کہ "شہید کی موت قوم کی حیات ہے۔”
