کندھ کوٹ: انڈس ہائی وے پر کار کی موٹر سائیکل کو ٹکر، ڈاکٹر زخمی
کندھ کوٹ،باغی ٹی وی(نامہ نگارمختیاراحمداعوان) انڈس ہائی وے پر کار کی موٹر سائیکل کو ٹکر، ڈاکٹر زخمی، ملزمان فرار
کندھ کوٹ میں انڈس ہائی وے پر پی پی ایل کے قریب تیز رفتار کار نے موٹر سائیکل کو زور دار ٹکر مار دی، جس کے نتیجے میں پی پی ایچ آئی کے ڈاکٹر محمد عمران عطاری شدید زخمی ہوگئے۔
زخمی ڈاکٹر کو علاقہ مکینوں نے فوری طور پر نجی اسپتال منتقل کیا، لیکن حالت تشویشناک ہونے کے باعث انہیں کراچی ریفر کر دیا گیا۔
حادثے کے بعد کار مالک جگدیش کمار اور ڈرائیور موقع سے فرار ہونے میں کامیاب ہوگئے۔ تھانہ بخشاپور میں واقعے کی رپورٹ درج کر لی گئی ہے، جبکہ پولیس ملزمان کی تلاش میں مصروف ہے۔ عوام نے ٹریفک قوانین کی خلاف ورزیوں کے خلاف کارروائی کا مطالبہ کیا ہے۔
