کندھ کوٹ،تنگوانی:جشن عیدمیلادالنبیﷺعقیدت واحترام سے منایا گیا

کندھ کوٹ،تنگوانی،باغی ٹی وی (نامہ نگارمختیاراعوان،منصوربلوچ کی رپورٹ)جشن عید میلاد النبی ﷺ کا مرکزی جلوس کندھ کوٹ کی مرکزی جامع مسجد نورانی سے برآمد ہوا،جلوس اپنے روائیتی راستوں پر گامزن رہا،جلوس میں سینکڑوں کی تعداد میں عاشقان رسول شریک ہوئے-

جلوس میں ہر طرف نعلین مبارک والے سبز پرچموں کی بہار تھی جبکہ جلوس میں بڑوں کے ساتھ بچوں نے بھی بڑی تعداد میں شرکت کی جشن عید میلاد النبی صلی اللہ علیہ وسلم کے جلوس میں شامل افراد موٹر سائیکلوں، بسوں، ٹریکٹر ٹرالیوں ودیگر گاڑیوں پر بھی سوار تھے جلوس روایتی راستوں سے ہوتا ہوا جامعہ مسجد نورے مصطفی پہنچ کر اختتام پذیر ہوا

کندھ کوٹ میں دعوت اسلامی کی جانب سے گورنمنٹ گرلز اسکول میں میلاد مصطفی کا ایک شاندار پروگرام منعقد ہوا، میلاد مصطفی کا پروگرام عمران علی عطاری عبدالوحید عطاری۔ امان اللہ ملک۔ اویس احمد اور دیگر کی قیادت میں کیا گیا

پروگرام کا آغاز حمد نعت سے شروع ہوا جس میں ثناء خوانوں نے ثناء خوانی کی اور علمائےکرام نے بڑے اچھے انداز میں حضور پاک کی آمد پر بیان کیا ،میلاد مصطفی کے پروگرام میں ہزارون کی تعداد میں عاشقان رسول نے شرکت کی ،پروگرام کے اختتام پذیر کے بعد آخر میں ملک پاکستان اور امت مسلمہ کے لیے خصوصی دعائیں بھی مانگی گئی

تنگوانی میں آقا دو جہاں حضرت محمد مصطفیٰ صلی اللہ علیہ وسلم کے ولادت باسعادت 12 ربیع الاول ملک کے دیگر شھرون کی طرح تنگوانی مین بھی عقیدت او احترام سے منائی گئی ہے ریلی میں ہزاروں کے تعداد میں عاشقان رسول نے شرکت کے پولیس اور رینجرز کی جانب سے سیکورٹی کے انتظامات بھی انتہائی سخت کئے گئے تھے