کراچی کے علاقے منگھوپیر میں کاؤنٹر ٹیررازم ڈیپارٹمنٹ (سی ٹی ڈی)، وفاقی حساس ادارے اور مقامی پولیس نے مشترکہ آپریشن کرتے ہوئے کالعدم تنظیم ”فتنۃ الخوارج“ کے دو دہشت گردوں کو اسلحے سمیت گرفتار کر لیا۔
سی ٹی ڈی کے مطابق گرفتار ملزمان کی شناخت عبدالوکیل اور اجمل کے نام سے ہوئی ہے، جن کا تعلق کالعدم تنظیم "فتنہ تل خوارج” (ٹی ٹی پی) سے ہےجو افغانستان میں عسکری تربیت حاصل کرچکے ہیں اور انتہائی مطلوب دہشت گرد شریف اللہ کے قریبی ساتھی سمجھے جاتے ہیں۔
ترجمان محکمہ انسداد دہشت گردی سندھ کے مطابق گرفتار ملزمان کا تعلق قلعہ عبداللہ بلوچستان سے ہیں اور ملزمان کو شہر کراچی میں کسی کارروائی کے غرض سے بھیجا گیا تھا اور انہیں ٹارگٹ دینا تھا، گرفتار ملزمان کو مزید انٹیروگیٹ کیا جا رہا ہے اور تھانہ سی ٹی ڈی کراچی میں کراچی میں مقدمات قائم کیے جائیں گے، تاکہ ان کے نیٹ ورک اور مزید منصوبہ بندی سے متعلق معلومات حاصل کی جا سکیں۔
ایران سے پاکستان کے لئے براہ راست پروازیں شروع
دین اسلام عقیدے کی آزادی اور انسانیت کا احترام درس دیتا ہے، محسن نقوی
ہیوسٹن، پاکستانی خاتون پر مبینہ مذہبی منافرت کے تحت تشدد
