باغی ٹی وی کی رپورٹ کے مطابق ایئر پورٹس پر طیاروں کے ساتھ پرندوں کے ٹکرانے کے واقعات میں مسلسل اضافہ ہو رہا ہے
آج بھی کراچی ایئر پورٹ پر طیارے سے پرندہ ٹکرا گیا، سعودی ایئر بس 330 سے گزشتہ شب پرندہ ٹکرایا تھا ،اطلاعات کے مطابق پرندہ طیارے کے بائیں انجن سے ٹکرایا تھا
5 اکتوبر کو بھی شہر قائد کراچی سے روانہ ہونے والی انٹرنیشنل پرواز کے ساتھ پرندہ ٹکرانے سے طیارے کو جزوی نقصان پہنچا، ایئرپورٹ حکام کے مطابق طیارہ رن وے پر اڑان بھر رہا تھا کہ اس دوران طیارے سے پرندہ ٹکرا گیا، پرندہ ٹکرنے سے جہاز کو معمولی نقصان پہنچا
وزیر اعلیٰ پنجاب کا ہیلی کاپٹر حادثے سے بال بال بچ گیا
گزشتہ 7 ماہ کے دوران پی آئی اے کے 34 سے زائد طیاروں سے پرندے ٹکرانے کے واقعات کی وجہ سے قومی ائر لائن کے 8 طیاروں کو بری طرح نقصان پہنچا ہے۔متاثر ہونے والے طیاروں میں بو ئنگ 777 اور ایئر بس 320 شامل ہیں۔اسی طرح کراچی ایئرپورٹ پر پی آئی اے کے 15طیاروں سے پرندے ٹکرانے کے واقعات رپورٹ ہوئے۔جبکہ سکھر ایئرپورٹ پر 2،پشاور ایئرپورٹ پر 2،اسلام آباد ایئرپورٹ پر 1،کوئٹہ میں پرندے ٹکرانے کے 2 واقعات رپورٹ ہوئے
