کراچی بار ایسوسی ایشن کے صدر عامر وڑائچ پر مبینہ طور پر نامعلوم افراد نے حملہ کردیا جس کے بعد انہیں زخمی حالت میں سول اسپتال منتقل کردیا گیا۔
میڈیا رپورٹس کے مطابق کراچی بار کے صدرعامر نواز وڑائچ نے میڈیا سے بات کرتے ہوئے کہا کہ 6 افراد نے مجھ پر حملہ کیا ہے لیکن ہم 6 کینالز کے معاملے سے پیچھے نہیں ہوں گے اور12 اپریل کو جو وکلا کنونشن ہے وہ جاری رہے گا۔6 کینالز بند نہ کی گئی تو 732 گھنٹہ میں سندھ اور پنجاب بارڈر بند کر دیں گے، ریلوے ٹریک کو بھی بند کر دیا جائے گا۔وکیل رہنما نے کہا کہ میں اس واقعے کی ایف آئی آر درج نہیں کروا رہا لیکن ہم اپنے مقصد سے پچھے نہیں ہوں گے۔
دوسری جانب کراچی پولیس کے ایس ایس پی سٹی عارف عزیز کے مطابق شواہد جمع کیے جارہے ہیں اور ابتدائی تفتیش کے مطابق واقعہ آئی آئی چندریگر روڈ پر واقع کیفے بوگی پر پیش آیا۔ان کا کہنا تھا کہ واقعے میں ملوث ملزمان کے خلاف کارروائی کی جائے گی۔
سندھ بار کا عدالتوں میں ہڑتال کا اعلان
سندھ بار کونسل نے صدر کراچی بارعامر وڑائچ پر مبینہ حملے کی شدید مذمت کرتے ہوئے صوبے بھر کی عدالتوں میں ہڑتال کا اعلان کردیا۔سندھ بار کونسل نے بیان میں کہا کہ صدر کراچی بار پر حملہ قانون نافذ کرنے والے اداروں کی ناکامی ہے، قانون نافذ کرنے والے ادارے وکلا کو تحفظ فراہم کرنے میں ناکام ہیں۔جاری بیان میں کہا گیا کہ آئی جی سندھ اوردیگر حکام واقعے کا فوری نوٹس لیں، ذمہ داران کے خلاف مقدمہ درج کرکے گرفتار کیا جائے، وکلا اور ان کے اہل خانہ کو تحفظ فراہم کیا جائے۔
وزیر داخلہ کا نوٹس
وزیر داخلہ سندھ ضیاء الحسن لنجار نے عامر نواز وڑائچ پر نامعلوم افراد کے حملے کا نوٹس لے لیا۔ وزیر داخلہ نے کہا کہ ایس ایس پی سٹی پولیس کارروائی پر مشتمل تفصیلات سے آگاہ کریں۔ عامر نواز پر حملے میں ملوث عناصر کو قانون کی گرفت میں لایا جائے۔ وزیر داخلہ سندھ نے کہا کہ وکلاء برادری کو اعتماد میں لیکر تفتیش کو آگے بڑھائیں۔
پریانکا چوپڑا زیادہ معاوضہ لینے والی ہیروئن بن گئیں
پریانکا چوپڑا زیادہ معاوضہ لینے والی ہیروئن بن گئیں
