کراچی :کثیر المنزلہ عمارت میں آگ لگ گئی

کراچی میں شارع فیصل کے ساتھ بلوچ کالونی پل کے قریب کثیر المنزلہ عمارت میں آگ لگ گئی۔

کثیر المنزلہ عمارت میں آتشزدگی کے بعد فائر بریگیڈز نے پہنچ کر آگ بجھانے کا عمل شروع کر دیا، فائر بریگیڈ کی 4 گاڑیاں آگ بجھانے میں مصروف ہیں۔

فائربریگیڈ حکام کے مطابق آگ کمرشل پلازہ کی دوسری منزل پر لگی ہے، دفاتر میں موجود عملے کو باہر نکال لیا گیا ہے۔

فائر بریگیڈ حکام کا کہنا تھا کہ کثیر المنزلہ عمارت میں لگی آگ پر قابو پا لیا گیا ہے، فائر فائٹرز کولنگ کے عمل میں مصروف ہیں۔

حکام کے مطابق پلازہ میں 100 سے زائد دفاتر موجود ہیں، رات کی شفٹ میں مختلف دفاترمیں 100 سےزائد ورکرز موجود تھے، آتشزدگی واقعے میں کوئی جانی نقصان نہیں ہوا۔

واضح رہے کہ شارع فیصل پر بلوچ پل کے قریب کثیر المنزلہ عمارت میں آگ لگنے کی وجہ معلوم نہیں ہوسکی.