وزیراعلیٰ سندھ سید مراد علی شاہ کی زیر صدارت کراچی کے تمام اضلاع کے منتخب نمائندوں کا اجلاس ہوا
اجلاس میں ایم این ایز، سینیٹرز، ایم پی ایز، میئر کراچی، ٹاؤن و یوسیز کے نمائندگان اور پارٹی ورکرز شریک ہوئے، اجلاس میں پیپلز پارٹی سندھ کے صدر نثار کھوڑو، جنرل سیکریٹری وقار مہدی، ڈپٹی اسپیکر نوید اینتھونی، صوبائی وزراء شرجیل میمن، ناصر شاہ، سردار شاہ، سعید غنی، شاہین شیر علی اور دیگر شریک ہوئے،ایم این ایز میں قادر پٹیل، نبیل گبول، حکیم بلوچ، سینیٹرز تاج حیدر، ندیم بھٹو، مسرور احسن، ایم پی اے لیاقت آسکانی، یوسف بلوچ، ساجد جوکھیو، آصف خان، سینیٹر یوسف بلوچ، اور دیگر نے شرکت کی،اجلاس میں پارٹی عہدیداران و ٹکٹ ہولڈرز نے بھی شرکت کی
وزیراعلیٰ سندھ سید مراد علی شاہ کا کہنا تھا کہ پیپلز پارٹی کی سندھ حکومت نے کراچی میں رکارڈ ترقیاتی کام کروائے ہیں، پیپلز پارٹی کی حکومت نے سڑکیں، انڈرپاسز، فلائی اووز اور برساتی نالے تعمیر کروائے، ملیر ایکسپریس وے ابھی زیر تعمیر ہے، انشاء اللہ اسکا ایک حصہ اگست میں کھولیں گے، کراچی کے دیہی علائقوں میں آر او پلانٹ، واٹر سپلائی و سینی ٹیشن اور صحت کی سہولیات دیں،کراچی میں ابھی بہت کام ہونا ہے، ہم کراچی کو ایک خوبصورت اور ترقی یافتہ شہر بنائیں گے، ہم نے کراچی میں امن قائم کیا، کاروباری سرگرمیاں بہتر کیں،اسٹریٹ کرائم اور ڈرگ مافیا کے خلاف کارروائی جاری ہے اور جلد مسئلہ حل ہوجائے گا، چیئرمین بلاول بھٹو کی ہدایت ہے کہ شہر کی ترقی میں پارٹی کارکنوں کی تجاویز شامل کی جائیں،
وزیراعلیٰ نے بلدیاتی نمائندوں بالخصوص ٹاؤنز کو ہدایت کی کہ عوام کے مسائل حل کریں،ٹی ایم اے اور یونین کونسلز اپنے اپنے علائقوں میں پانی، نکاسی و صفائی ستھرائی کیلئے کام کریں،شہر میں سولڈ ویسٹ مینجمنٹ موجود ہے ان سے آپ کام لیں، مجھے تمام ٹاؤنز سے کام کے حوالے سے اچھی خبریں آنی چاہئیں،کراچی میں ایک بہترین ٹرانسپورٹ کا نظام قائم کررہے ہیں،شہر میں بی آر ٹیز کی مختلف لائینیں تیار ہو رہی ہیں، پیپلز بس سروس نے عوام کو سفر کی بہترین سہولیات دی ہیں، سب کو ملکر عوامی مفاد کے کام کرکے شہر کو خوبصورت و سہولیات سے آراستہ کرسکتے ہیں،
