محکمہ موسمیات نے کراچی میں آج تیز ہوائیں چلنے کا امکان ظاہر کردیا۔
محکمہ موسمیات کے مطابق کراچی میں آئندہ 3 روز میں بوندا باندی اور ہلکی بارش کا امکان ہے، شہر کا مطلع زیادہ تر ابر آلود اور موسم مرطوب رہنے کا امکان ہے جب کہ اس دوران زیادہ سےزیادہ درجہ حرارت 31 سے 33 ڈگری سینٹی گریڈ تک رہنےکا امکان ہےبدین، ٹھٹہ، تھرپارکر میں بوندا باندی یا ہلکی بارش کا امکان ہے جب کہ سندھ کے بیشترمقامات پرموسم گرم اور مرطوب رہنے کا امکان ہے۔
دوسری جانب سندھ کے شہردادو میں تیزبارش کے بعد گورکھ ہل اسٹیشن پر درجہ حرارت 10 ڈگری سینٹی گریڈ تک گرگیا میہڑ، خیرپور ناتھن شاہ، جوہی اور دادو شہر میں تیز بارش کےبعد بجلی کی فراہمی معطل ہوئی بلوچستان کےعلاقوں زیارت اور جھل مگسی اور گردونواح میں بارش ہوئی جس سے ندی نالوں میں طغیانی آگئی جب کہ لینڈ سلائیڈنگ کے باعث ایم 8 شاہراہ پر ٹریفک معطل ہوگیا۔
چلاس میں سازین کے مقام پرسیلابی ریلا شاہراہ قراقرم کو بہا لےگیا جس کے بعد گلگت سے راولپنڈی کا زمینی رابطہ منقطع ہوگیا علاوہ ازیں محکمہ موسمیات نے آج لاہور، سیالکوٹ، مری،گلیات، ایبٹ آباد، مانسہرہ،کوہستان اور سندھ کی ساحلی پٹی پر بارش کی پیشگوئی ہے۔
ادھر گوجرانوالہ میں ہرڑ کے مقام پربرساتی نالےکا بند ٹوٹ گیا جس سے 15 فٹ چوڑا شگاف پڑگیا-
