کراچی کے علاقے کورنگی عوامی کالونی میں گھرکےاندرفائرنگ کے پراسرار واقعے میں نوجوان لڑکی ہلاک ہوگئی۔
باغی ٹی وی : رات گئے گلستان جوہر پر فیوم چوک کے قریب رہائشی منصوبے اقرا کمپلیکس کی نویں منزل کی بالکونی میں کھڑی خاتون فائرنگ کے پراسرار میں جاں بحق ہوگئی مقتولہ کی شناخت چالیس سالہ عرفانہ کے نام سے ہوئی ریسکیو حکام کے مطابق واقعہ نامعلوم سمت کی گولی لگنے سے پیش آیا۔
ڈرائیونگ سیکھتے ہوئے شہری کو کچلنے والی ملزمہ اور لواحقین میں راضی نامہ
اہل محلہ کے مطابق مقتولہ خاتون کینیڈا سے اپنے بھائیوں کے پاس نواب شاہ آئی تھی اور دو روز قبل گلستان جوہر اقراء کمپلیکس میں اپنی بہن کے گھر پہنچی تھیں مقتولہ خاتون کو اپنے ایک اورعزیز سے ملنے کے بعد واپس کینیڈا روانہ ہونا تھا،خاتون کی تیاری و فلائٹ بھی کنفرم تھی
دوسری جانب گلستان جوہر کی عوامی کالونی سیکٹرایف میں رات گئےایک گھرکےاندرفائرنگ کے پراسرار واقعے میں 23 سالہ سحرالنسا کی ہلاکت کا مقدمہ والد عبدالقدیر کی مدعیت میں قتل اور ڈکیتی کی کوشش کرنے کی دفعات کے تحت نامعلوم مسلح ملزمان کے خلاف درج کرلیا گیا۔
مقتولہ سحرالنسا کے والد عبدالقدیر کے مطابق جمعرات اور جمعہ کی درمیانی شب ساڑھے تین بجے تہجد کی نماز پڑھ رہے تھے کہ گھرکی چھت پرکچھ لوگ نظرآئےمیں نے اپنے بچوں کو نیچے فلورپرایک جگہ پرجمع کرلیا تودروازے کے باہرسے کسی ملزم نے آتشی اسلحہ سے فائرکیا جو میرے گھر کا مرکزی دروازہ کراس کرکے میری بیٹی سحرالنسا کی گردن کے سامنے کی جانب لگا اورچھت اور گلی میں موجود ملزمان گھر کی پچھلی گندی گلی سے فرارہوگئے ، بیٹی کو ایمبولینس کے ذریعے اسپتال لے جا رہے تھے کہ وہ راستے میں ہی دم توڑگئی ۔
اسلام آباد دھماکہ خود کش تھا،پولیس اہلکار شہید،پولیس کی بروقت کاروائی سے شہر کو…
عبدالقدیر کے مطابق بعدازاں میرا بھتیجا سلیمان جناح اسپتال آیااوراس نے بتایا کہ جوملزمان آپ کے گھرمیں واردات کی نیت سے داخل ہوئے تھے ان ملزمان نے پہلے ہمارے گھرمیں داخل ہوکرہم سب کوایک کمرے میں بند کیا اوران کے ساتھی آپ کےگھربھی واردات کی نیت سے گئے تھے شورشرابہ کی وجہ سے ملزمان فائرنگ کرتے ہوئےفرارہوگئے ۔
ادھر سائٹ سپرہائی وے صنعتی ایریا فقیرا گوٹھ میں نامعلوم مسلح ڈکیتوں نے ڈکیتی کی واردات کے دوران مزاحمت پر فائرنگ کرکے نجی اسپتال کے سیکیورٹی گارڈ کو قتل کردیا مسلح ڈکیت مقتول سیکیورٹی گارڈ کی ایم پی فائیو رائفل اورموبائل فون چھین کر فرار ہوگئے-
مقتول سیکیورٹی گارڈ کی شناخت 27 سالہ عبدالجبار ولد محمد قیصر کے نام کی سی گئی مقتول کو جسم کے مختلف حصوں پر تین گولیاں لگی جو جان لیوا ثابت ہوئیں ، قتل کیا جانے والا سیکیورٹی گارڈ خادم گوٹھ سہراب گوٹھ کا رہائشی تھا۔
قائد آباد لالہ زار شادی ہال کے قریب بھی نامعلوم مسلح ملزمان نے فائرنگ کر کے ایک نوجوان کو زخمی کردیا زخمی نوجوان کی شناخت 25 سالہ عاطف ولد عارف کے نام سے کی گئی ،ریسکیو حکام کے مطابق فائرنگ کا واقعہ ڈکیتی کی واردات کے دوران مزاحمت پر پیش آیا ہے ۔
