کراچی میں شہریوں سے چالان کی مد میں روزانہ تقریباً ایک کروڑ روپے وصول کیے جارہے ہیں ۔
باغی ٹی وی : نجی خبررساں ادارے جیو کے مطابق کراچی کی شاہراہوں اور چوراہوں پر 8 سے 10 ٹریفک پولیس اہلکار و افسران نظر آتے ہیں جو گاڑیوں اور موٹر سائیکل سواروں کو روکتے ہیں اور قانون کی مختلف شقیں توڑنے کا جواز بتا کر چالان کر دیا جاتا ہے، سینکڑوں ہزاروں روپےکے چالان مہنگائی سے پریشان عوام کی مشکلات میں مزید اضافہ کرنے لگے ہیں کراچی میں 90 ٹریفک سیکشن ہیں، ٹریفک پولیس کے عملےکا دعویٰ ہےکہ ہر ایک سیکشن افسر کو روزانہ 25 سے زائد چالان کا ٹارگٹ دیا جاتا ہے،روزانہ 10 ہزار چالان کئے جاتے ہیں-
دوسری جانب ڈی آئی جی ٹریفک کا کہنا ہےکہ قوانین کی خلاف ورزیوں کے باعث چالان میں اضافہ ہوا ہے، شہری بنا لائسنس اور رانگ وےکا استعمال زیادہ کرتے ہیں جس کی وجہ سے چالان میں اضافہ ہوا ہے ٹریفک جام کے مسئلے کو حل کرنے کے لیے پبلک ٹرانسپورٹ کے انفرااسڑکچر کو بہتر کرنا ہوگا۔
روس میں صدارتی انتخابات،یوکرین کے ماسکو سمیت مختلف شہروں میں ڈرون حملے
شہریوں کا کہنا ہےکہ کچھ اہلکار زیادہ پیسوں کے چالان سے ڈراتے ہیں اور پھر چند سو کی رشوت پکڑ کر کچی پرچی تھما کر کہتے ہیں آگےکوئی پوچھے یا روکے تو پرچی دکھا کر کہنا پیچھے دے آیا ہوں۔
