کراچی میں دھماکا،ایک شخص جاں بحق،بچی سمیت دو افراد زخمی

کراچی: کراچی کے علاقے گلشن اقبال میں حاجی لیمو گوٹھ میں دھماکا ہوا ہے۔

باغی ٹی وی: پولیس کے مطابق دھماکے میں ایک شخص جاں بحق جبکہ ایک بچی سمیت دو افراد زخمی ہوئے، دھماکے کی نوعیت کا فوری طور پر علم نہیں ہوسکا ، ڈی آئی جی ایسٹ کا کہنا ہے کہ ابتدائی معلومات کے مطابق ملزم گرینیڈ لےکر باہر نکل رہا تھا، اس کے ہاتھ میں ہی گرینیڈ پھٹ گیا،مرنے والا شخص ہی مبینہ طور پر گرینیڈ لے کر جا رہا تھا۔

واضح رہے کہ آج بلوچستان کے دو اضلاع میں انتخابی دفاتر کے باہر دھماکے ہوئے ہیں جس کے نتیجے میں مجموعی طور پر 24 افراد جاں بحق ہوگئے بلوچستان میں پہلا دھماکا ضلع پشین کے علاقے خانوزئی میں ہوا جس میں 14 افراد جاں بحق ہوئے جب کہ دوسرا دھماکا قلعہ سیف اللہ میں جے یو آئی (ف) کے دفتر کے باہر ہوا جس میں 12 افراد جاں بحق ہوئے ہیں، جمعیت علمائے اسلام ( ف) کے مرکزی رہنما حافظ حمداللہ کی گاڑی پر فائرنگ ہوئی، وہ چمن سے کوئٹہ جا رہے تھے،حافظ حمداللہ قاتلانہ حملے میں محفوظ رہے۔