کراچی( باغی ٹی وی )کراچی میں نامعلوم افراد کی جانب سے فائرنگ کے 2 واقعات میں 3 افراد قتل ہوگئے۔
پولیس کے مطابق میٹروول سائٹ میں ڈکیتی مزاحمت پر فائرنگ سے زخمی ہونے والا دوسرا شخص بھی دم توڑ گیاایس ایس پی کیماڑی کےمطابق دونوں افراد گاڑی میں موجود تھے جس پر فائرنگ کی گئی، فائرنگ کا واقعہ ڈکیتی مزاحمت لگتا ہے۔
ایس ایس پی نے بتایا کہ ابتدائی تحقیقات کے مطابق دونوں افراد کے پاس رقم کی موجودگی کی اطلاع ملی ہے، فائرنگ کے بعد ملزمان ایک کروڑ 26 لاکھ روپے چھین کر فرار ہوگئے،مقتولین کی شناخت شیرعالم اور ذاکر کے نام سے ہوئی، جائے وقوعہ سے شواہد اکٹھا کرکے تفتیش شروع کردی گئی ہے۔
امریکا میں ٹیک آف کے دوران طیارے کے انجن کا کور نکل گیا
دوسری طرف گلزار ہجری میں بھی فائرنگ کا واقعہ پیش آیا، جس میں ایک شخص جاں بحق ہوگیا، پولیس کے مطابق گلزار ہجری سکندر گوٹھ میں فائرنگ سے جاں بحق ہونے والے 30 سالہ شجاعت نے ڈاکوؤں پر لائسنس یافتہ پستول تانی تھی، ملزمان کی فائرنگ شجاعت جاں بحق ہوگیا، مقتول شادی شدہ اور پک اینڈ ڈراپ کا کام کرتا تھا، شجاعت بیوٹی پارلر کے اسٹاف کو ڈراپ کرنے نکلا تھا۔
