پی آئی اے کی پرواز کے ایڈرولک سسٹم میں شدید فنی خرابی، کراچی میں ہنگامی لینڈنگ

کراچی: قومی ائیر لائن (پی آئی اے) کی مسقط سے پشاور جانے والا طیارہ اچانک 36 ہزار فٹ کی بلندی سے نیچے آ گیا۔

باغی ٹی وی : ائیر پورٹ ذرائع کے مطابق پی آئی اے کی مسقط سے پشاور جانے والی پرواز کے ایڈرولک سسٹم میں شدید فنی خرابی پیدا ہو گئی، پی آئی اے کی پرواز پی کے 260 نے مقامی وقت کے مطابق صبح 05:22 بجے مسقط سے ٹیک آف کیا, روانگی کے 30 منٹ بعد پاکستانی وقت کے مطابق صبح سوا 6 بجے طیارے میں پاکستانی فضائی حدود میں فنی خرابی پیدا ہوئی۔ تربت کے قریب پرواز کے دوران طیارے کے ہیڈراولک سسٹم میں شدید خرابی پیدا ہوئی,طیارہ محض 7 منٹ میں 36 ہزار فٹ کی بلندی سے 10 ہزار اور پھر 8 ہزار فٹ پر آگیا پائلٹ نے ایمرجنسی ڈکلیئر کی اور طیارے کا رخ اپنے ہیڈکوارٹر کراچی کی طرف موڑ لیا، پائلٹ 8 ہزار فٹ سے کم بلندی پر طیارے کو کراچی لایا اور ائیر بس اے 320 طیارے نے صبح 7 بج کر 8 منٹ پر کراچی ائیرپورٹ پر ہنگامی لینڈنگ کی, جناح انٹرنیشنل ائیرپورٹ پر طیارے کا معائنہ کیا جا رہا ہے۔

پنجاب، خیبرپختونخوا اور کشمیر میں چند مقامات پر بارش کا امکان

اتحادی حکومتوں میں مسائل ہوتے ہیں، گلے شکوؤں کو دور کریں گے، فیصل کریم کنڈی

شام میں امریکی فوجی اڈےپرڈرون حملہ