کراچی میں منکی پاکس وائرس کے پہلے کیس کی تصدیق ہوگئی۔
باغی ٹی وی: محکمہ صحت سندھ نے کراچی میں منکی پاکس کے پہلے کیس کی تصدیق کرتے ہوئے بتایا کہ سعودی عرب سے آنے والے مسافر میں منکی پاکس کی تصدیق ہوئی ہے۔
منکی پاکس کے بعد کانگو وائرس، پاکستان میں ایک موت
محکمہ صحت سندھ کے مطابق جدہ سے کراچی آنے والے مسافر کو منکی پاکس کی علامات کے سبب قرنطینہ کرکے خون کے نمونے لیب ٹیسٹ کے لئے بھیج گئے مسافر کو 7 دن سے بخار ہے اور اس کے جسم پر سُرخ دھبے، دانے نمودار ہو ئے تھے-
منڈی بہاوالدین میں منکی پاکس کیس رپورٹ
محکمہ صحت کے مطابق ڈاؤ یونیورسٹی میں 4 افراد کے منکی پاکس سے متعلق ٹیسٹ کیے گئے جن میں سے تین افراد میں منکی پاکس کے شواہد نہیں ملے البتہ سعودی عرب سے آنے والے مسافر میں منکی پاکس کی تصدیق ہوئی ہے جسے علاج کیلئے جناح اسپتال میں داخل کردیا گیا ہے۔
واضح رہے کہ گزشتہ دنوں کراچی میں منکی پاکس کے چار سے زائد مشتبہ کیسز رپورٹ ہوئے تھے جن کی لیب رپورٹس میں منکی پاکس کی تصدیق نہیں ہوئی تھی۔
