کراچی میں ایک اور عمارت زمین بوس،1 شخص جاں بحق، بچوں سمیت 10 زخمی

باغی ٹی وی کی رپورٹ کے مطابق شہر قائد کراچی میں افسوسناک واقعہ پیش آیا ہے، رضویہ تھانے کے قریب عمارت گر گئی ہے

فیڈرل بی ایریا میں عمارت کا حصہ گرنے سے ایک شخص جاں بحق جبکہ 3 بچوں سمیت 10 افراد زخمی ہوگئے ہیں،عینی شاہدین کے مطابق عمارت کی پہلی منزل پر مرمتی کام جاری تھا جس کے دوران واقعہ پیش آیا۔ اطلاع پر ریسکیو ادارے موقع پر پہنچے تا ہم تنگ گلیوں کی وجہ سے امدادی کاموں میں مشکلات کا سامنا ہے

عمارت کے ساتھ ملحقہ دوسری عمارت کے گرنے کا بھی خطرہ ہے وہاں مقیم خاندان بھی سامان نکال رہا ہے، گرنے والی عمارت کا ملبہ اٹھایا جا رہا ہے، شہریوں کی بڑی تعداد موقع پر پہنچ گئی ہے، رپورٹ کے مطابق عمارت زیادہ پرانی نہیں تھی.

کراچی میں ایک اور قیامت
رضویہ کے علاقے میں تین منزلہ بلڈنگ گر گئی اطراف کی دوعمارتوں کو بھی شدید نقصان پہنچا ہے
عمارت کے ملبے میں لوگ دبے ہوئے ہیں#Karachi #SindhGovt #buildingdemolish @murtazawahab1 @SyedNasirHShah @MuradAliShahPPP pic.twitter.com/AoeZerBfCW

— عاطف حسین (@RePorter1979) March 5, 2020

عمارت گرنے کے حادثے میں ایک شخص جاں بحق ہوگیا جبکہ تین بچوں،چار خواتین سمیت 10 افراد زخمی ہوئے ہیں، تمام افراد کو طبی امداد کیلئے عباسی شہید ہسپتال منتقل کر دیا گیا، پولیس کی بھاری نفری بھی موقع پر موجود ہے. ایدھی اور چھیپا کے رضاکار امدادی کاموں میں مصروف ہیں،

واضح رہے کہ دو ماہ قبل بھی کراچی میں ایک عمارت زمین بوس ہو گئی تھی