کراچی پولیس چیف کی صنعتکاروں کو سیکورٹی بہتر بنانے کی یقین دہانی

ایڈیشنل انسپکٹر جنرل پولیس کراچی جاوید عالم اوڈھو نے نارتھ کراچی صنعتی ایریا میں سیکورٹی صورتحال کو بہتر بنانے اور صنعتکاروں کو اپنے ہر ممکن تعاون کی یقین دہانی کرواتے ہوئے کہا ہے کہ صنعتکار برادری کو سیکیورٹی فراہم کرنے کے ساتھ ساتھ امن و امان کی صورتحال کو بہتر بنانے کے لیے تمام وسائل بروئے کار لائے جائیں گے اور جرائم پیشہ افراد کے خلاف سخت کارروائی عمل میں لائی جائے گی تاکہ صنعتکار برادری کو پُرامن ماحول فراہم کیا جاسکے۔

ان خیالات کا اظہار انہوں نے نارتھ کراچی ایسوسی ایشن آف ٹریڈ اینڈ انڈسٹری ( نکاٹی) کے صدر فیصل معیز خان، چیف سی پی ایل سی زبیر حبیب، سینئر نائب صدر نکاٹی شبیر اسماعیل، نائب صدر نعیم حیدر، ڈپٹی چیف سی ایم سی نکاٹی سید یاسر علی اور اسسٹنٹ چیف سی ایم سی شہزاد الہیٰ پر مشتمل وفد سے ملاقات کے موقع پر تبادلہ خیال کرتے ہوئے کیا۔نکاٹی کے صدر فیصل معیز خان نے ایڈیشنل آئی جی کو نارتھ کراچی صنعتی ایریا سیکورٹی کی غیر تسلی بخش صورتحال سے آگاہ کیا اور دیرپا امن وامان کے قیام کے حوالے سے مختلف پہلوؤں پر تبادلہ خیال کیا۔

26 ماہ بعد زرمبادلہ کے ذخائر 9.5 ارب ڈالر سے تجاوز کرگئے

انہوں نے کرائم مانیٹرنگ سیل کو اضافی نفری فراہم کرنے پر ایڈیشنل آئی جی کراچی کو صنعتکار برادری کی جانب سے تعاون پیش کرتے ہوئے کہاکہ صنعتیں ترقی کریں گی تو ملک ترقی کرے گا۔ان کا مزید کہنا تھا کہ صنعتکار برادری کو سازگار ماحول فراہم کرنے سے یقینی طور پر پیداواری سرگرمیاں بڑھیں گی اور برآمدات کو فروغ ملے گا جس سے ملک کو سنگین معاشی بحران اور خسارے سے نکالنے میں مدد ملے گی۔

سونے کی قیمت میں مسلسل اضافہ، بلند ترین سطح پر پہنچ گئی